'பாகுபலி' பிரபாஸ் மீது ஜுவாலா கட்டா உருக்கம்!

பிரபல பேட்மிண்டன் வீராங்கனை ஜுவாலா கட்டா, பாகுபலி 2 படத்தைப் பார்த்துவிட்டார். இதையடுத்து பிரபாஸை எண்ணி உருக்கமாக ட்வீட்களை வெளியிட்டுள்ளார். 

பிரபாஸுக்கு தனது இதயத்தை வழங்குவதுபோன்ற ஒரு புகைப்படத்தை வெளியிட்டார். (கூடவே ரம்யா கிருஷ்ணனின் நடிப்பையும் ஒரு ட்வீட்டில் பாராட்டியுள்ளார்) 

பிறகு பிரபாஸின் புகைப்படத்தை வெளியிட்டு, ஓகே. நான் அப்படியே செத்தேன் என்று குறும்பாகவும் ட்வீட் செய்துள்ளார். அவருடைய இன்ஸ்டகிராம் சமூகவலைத்தளத்திலும் பிரபாஸின் பாகுபலி 2 புகைப்படங்களை வெளியிட்டுள்ளார். 

பாகுபலி 2 படத்தை நான்குமுறை பார்த்துவிட்டதாக ரசிகர் ஒருவருக்குப் பதிலளித்தார் ஜுவாலா. இந்த ட்வீட்களைப் பார்த்த ரசிகர் ஒருவர், ஒரு விளையாட்டு வீராங்கனை நடிகர் மீது காதல் கொள்வதை இப்போதுதான் பார்க்கிறேன். புதிய நடைமுறையை உருவாக்கியுள்ளீர்கள் என்று கூறியதற்கு ஜுவாலா அளித்த பதில்: ஏன் கூடாது?

இதற்கு முன்பு ஒரு பேட்டியில், பிரபாஸுக்கு ஜோடியாக நடிக்க விருப்பம் தெரிவித்திருந்ந்தார் ஜுவாலா.