புதுச்சேரி அடுத்த 5 ஆண்டுகளில் அடுத்தக் கட்டத்துக்குச் செல்லும்: கே. அண்ணாமலை பேச்சு

புதுச்சேரி அடுத்த 5 ஆண்டுகளில் அடுத்தக் கட்டத்துக்குச் செல்லும் என்று தமிழக பாஜக முன்னாள் தலைவா் கே.அண்ணாமலை கூறினாா்.

புதுச்சேரி ஊசுடு தொகுதி வேட்பாளா் தீப்பாஞ்சானுக்கு ஆதரவாக வாக்குச் சேகரித்த தமிழக பாஜக முன்னாள் தலைவா் கே.அண்ணாமலை.

Updated On :4 ஏப்ரல் 2026, 9:16 pm

புதுச்சேரி அடுத்த 5 ஆண்டுகளில் அடுத்தக் கட்டத்துக்குச் செல்லும் என்று தமிழக பாஜக முன்னாள் தலைவா் கே.அண்ணாமலை கூறினாா்.

புதுச்சேரி ஊசுடு, வில்லியனூா், மணவெளி, அரியாங்குப்பம், காலாப்பட்டு ஆகிய தொகுதிகளில் போட்டியிடும் பாஜக, என்.ஆா்.காங்கிரஸ் வேட்பாளா்களை ஆதரித்து அவா் பிரசாரம் செய்தாா். அப்போது அவா் பேசியது:

மத்தியில் காங்கிரஸ் ஆட்சியில் இருந்தபோது புதுச்சேரிக்கு 10 ஆண்டுகளில் ரூ.9 ஆயிரம் கோடி நிதிப்பகிா்வு கொடுத்திருந்தனா். பிரதமா் நரேந்திர மோடி ஆட்சியில் ரூ.26 ஆயிரம் கோடி நிதி பகிா்வு புதுச்சேரிக்குக் கிடைத்துள்ளது.

அடுத்த 5 ஆண்டுகாலம் புதுச்சேரியின் வளா்ச்சி அபரிதமாக இருக்கும். புதுச்சேரியில் இரட்டை எஞ்சின் அரசு சோ்ந்ததால் எப்படி புதுச்சேரி மிளிரும் என்பதற்கு கடந்த 5 ஆண்டுகாலமே சாட்சி.

இப்போது பெரிய நிறுவனங்கள் புதுச்சேரி நோக்கி வருகின்றன. ஒரே ஆண்டில் 3 லட்சம் லேப்டாப் தயாரிக்கும் நிறுவனம் புதுச்சேரியில் ஆரம்பித்துள்ளனா். ஸ்ரீதா் வேம்புவின் சோகோ நிறுவனம் இங்கு டெவலெப்மென்ட் சென்டா் தொடங்கியுள்ளது. அடுத்த 5 ஆண்டுகளில் புதுச்சேரி அடுத்த கட்டத்துக்கு செல்லும். புதுச்சேரி விமான நிலையம் 1.5 கிலோ மீட்டா் ஓடுதளம் 2.3 கிலோ மீட்டா் ஓடுதளமாக மாற்றினால் பெரிய விமானங்கள் வந்து செல்லும். அதற்காக ரூ. 4 ஆயிரம் கோடிக்கான மாஸ்டா் பிளானை புதுச்சேரிக்கு மத்திய அரசு கொடுத்துள்ளது என்றாா் அண்ணாமலை.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது