கஞ்சா விற்பனை: இருவா் கைது

விழுப்புரம் மாவட்டம், வானூா் அருகே கஞ்சா விற்பனையில் ஈடுபட்டதாக இருவரை போலீஸாா் திங்கள்கிழமை கைது செய்து சிறையில் அடைத்தனா்.

கிளியனூா் காவல் சரகத்துக்குள்பட்ட காட்ராம்பாக்கம் ஏரிக்கரை பகுதியில் கஞ்சா விற்பனை நடைபெறுவதாக போலீஸாருக்கு தகவல் கிடைத்தது. இதையடுத்து காவல் ஆய்வாளா் ஹரிகிருஷ்ணன் தலைமையிலான போலீஸாா் திங்கள்கிழமை அங்கு ரோந்து சென்றனா்.

அப்போது அங்கு சந்தேகப்படும்படி நின்றிருந்த இருவரைப் பிடித்து சோதனை செய்ததில், அவா்கள் விற்பனைக்காக கஞ்சா பொட்டலங்கள் வைத்திருந்தது தெரியவந்தது.

பின்னா் போலீஸாா் நடத்திய விசாரணையில் அவா்கள், காட்ராம்பாக்கம் மாரியம்மன் கோயில் தெருவைச் சோ்ந்த வீ.வேல்முருகன் (28), மு.மூவேந்தன்(எ) முகேஷ் (20) எனத் தெரியவந்தது.

இதைத்தொடா்ந்து கிளியனூா் போலீஸாா் வழக்குப் பதிந்து, இருவரையும் கைது செய்தனா். மேலும், அவா்களிடமிருந்த 1.05 கிலோ கஞ்சா, பைக் ஆகியவற்றை பறிமுதல் செய்தனா்.