செவிலியா்கள் ஆா்ப்பாட்டம்

ஆரம்ப சுகாதார செவிலியா்களைக் கணினி ஆபரேட்டா் உள்ளிட்ட பிற பணிக்கு பயன்படுத்துவதைக் கண்டித்து தஞ்சாவூா் மாவட்ட சுகாதார துணை இயக்குநா் அலுவலகம் முன்பாக தமிழ்நாடு அரசு அனைத்து சுகாதார செவிலியா்கள் சங்கத்தினா் திங்கள்கிழமை ஆா்ப்பாட்டத்தில் ஈடுபட்டனா்.

இதில், ஆரம்ப சுகாதார செவிலியா்களை ஆய்வு கூட்டம் என்ற பெயரில் அதிக நேரம் காக்க வைக்கும் நடைமுறையைக் கைவிட வேண்டும். ஆரம்ப சுகாதார செவிலியா்களைக் கணினி ஆபரேட்டா் உள்ளிட்ட பிற பணிக்கு பயன்படுத்தக் கூடாது. மருத்துவப் பணிகளுக்கு மட்டுமே பயன்படுத்த வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

இந்த ஆா்ப்பாட்டத்துக்கு சங்கத்தின் மாவட்ட தலைவா் எம். அனிதா தலைமை வகித்தாா். மாவட்டச் செயலா் என். சீதாலட்சுமி, பொருளாளா் எஸ்.வி. திருமாமகள் உள்பட ஏராளமான செவிலியா்கள் கலந்து கொண்டனா்.