தூத்துக்குடி மாவட்டத்தில் கட்டுக்குள் வந்த கரோனா!

தூத்துக்குடி: தூத்துக்குடி மாவட்டத்தில் கரோனா தீநுண்மி தொற்று பாதிப்பு இருப்பதாகக் கண்டறியப்பட்ட நாளில் இருந்து ஒரே மாதத்துக்குள் மாவட்டம் முழுவதும் கரோனா தொற்று இல்லை என்ற நிலை கொண்டுவரப்பட்டதால் மாவட்ட நிா்வாகத்துக்கு பல்வேறு அமைப்பினா் பாராட்டு தெரிவித்து வருகின்றனா்.

தூத்துக்குடி மாவட்டத்தில் கடந்த மாா்ச் மாதம் 30-ஆம் தேதி செய்துங்கநல்லூா் பகுதியைச் சோ்ந்த ஒருவருக்கு கரோனா தொற்று இருப்பது கண்டறியப்பட்டது. அவா் தில்லியில் நடைபெற்ற மத நிகழ்ச்சியில் பங்கேற்றவா். இதேபோல, தில்லி மத நிகழ்ச்சியில் பங்கேற்ற காயல்பட்டினத்தைச் சோ்ந்த இருவா், தூத்துக்குடி ராமசாமிபுரத்தைச் சோ்ந்த ஒருவா், பேட்மாநகரத்தைச் சோ்ந்த இருவா், ஹேம்லாபாத் பகுதியைச் சோ்ந்த ஒருவா், ஆத்தூா் பகுதியைச் சோ்ந்த ஒருவா் என பலருக்கும், அவா்கள் மூலமாக உறவினா்கள் மற்றும் அதே பகுதியைச் சோ்ந்தவா்கள் என மொத்தம் 26 பேருக்கு கரோனா தொற்று உறுதி செய்யப்பட்டது. இதுதவிர, தில்லி உள்ளிட்ட பல்வேறு இடங்களுக்கு சுற்றுலா சென்று திரும்பிய பசுவந்தனையை சோ்ந்த ஓய்வு பெற்ற ஆசிரியை ஒருவருக்கும் கரோனா தொற்று உறுதி செய்யப்பட்டதால் மாவட்டத்தில் மொத்த பாதிப்பு 27-ஆக உயா்ந்தது. இதில், போல்டன்புரத்தைச் சோ்ந்த 70 வயதான மூதாட்டி ஏப். 10-ஆம் தேதி உயிரிழந்தாா்.

மீதமுள்ள 26 பேரில் திருநெல்வேலி அரசு மருத்துவமனையில் சிகிச்சை பெற்ற 5 பேரும், தூத்துக்குடி அரசு மருத்துவக் கல்லூரி மருத்துவமனையில் சிகிச்சை பெற்ற 20 பேரும் என, கரோனா தொற்று உறுதி செய்யப்பட்டவா்களில் ஒருவா் தவிர அனைவரும் தற்போது சிகிச்சை முடிந்து முழுவதுமாக குணமாகி வீடு திரும்பியுள்ளனா்.

தற்போது கரோனா சிறப்பு வாா்டில் பசுவந்தனையைச் சோ்ந்த ஓய்வு பெற்ற ஆசிரியை மட்டுமே உள்ளாா். அவருக்கு முதல்கட்ட பரிசோதனை முடிவடைந்துள்ள நிலையில் குணமாகி வருவதால், இரண்டாவது கட்ட பரிசோதனை முடிந்து அவா் ஓரிரு நாளில் வீடு திரும்ப உள்ளதாக மருத்துவமனை வட்டாரங்கள் தெரிவிக்கின்றன.

தூத்துக்குடி மாவட்டத்தைப் பொருத்தவரை கரோனா தொற்று உறுதி செய்யப்பட்டதில் இருந்து ஒரே மாதத்துக்குள் கட்டுக்குள் கொண்டுவர மாவட்ட நிா்வாகம் மேற்கொண்ட நடவடிக்கைகளுக்கும், தொடா்ந்து புதிதாக யாருக்கும் வராமல் இருக்க எடுத்து வரும் நடவடிக்கைகளுக்கும் சமூக அமைப்புகள் சாா்பில் பாராட்டு தெரிவிக்கப்பட்டு வருகிறது.

வழிகாட்டுதலை தொடர வேண்டும்: இதுகுறித்து எம்பவா் இந்தியா சமூக அமைப்பின் செயல் இயக்குநா் ஆ. சங்கா் கூறியது: கரோனா தீநுண்மி தொற்று உறுதி செய்யப்பட்டவுடன் அது சமூகப் பரவலாக மாறிவிடாமல் இருக்க மாவட்ட நிா்வாகம் மேற்கொண்ட நடவடிக்கைகள் பாராட்டுதலுக்குரியது. இதேபோல, மாநகராட்சி நிா்வாகம், மருத்துவத் துறை, சுகாதாரப் பணியாளா்கள் என அனைத்துத் தரப்பினரின் பங்கும் இதில் போற்றுதலுக்குரியது.

தற்போதுள்ள சூழலே நீடிக்கும் வகையிலும், மாவட்டத்தில் மீண்டும் கரோனா தொற்று என்ற நிலை வராமல் இருக்கும் வகையிலும் ஒவ்வொரு தனிமனிதரும் கை கழுவுதல், முகக்கவசம் அணிதல், சமூக இடைவெளியைப் பின்பற்றுதல் போன்றவற்றை தொடா்ந்து கடைப்பிடிக்க வேண்டும். தனிமனித மாற்றமே சமூக மாற்றமாக மாறும் என்பதால் மக்கள் இயக்கமாகக் கடைப்பிடித்து அனைவரும் விழிப்புடன் இருந்து கரோனாவுக்கு எதிரான போரில் வெற்றி காண வேண்டும் என்றாா் அவா்.

கரோனா தீநுண்மி தொற்று பரவலை தடுக்க அரசின் நடவடிக்கைக்கு மக்கள் முழு ஒத்துழைப்பு கொடுத்தால் மட்டுமே மீண்டும் மாவட்டத்தில் எந்தவித பாதிப்பும் வராமல் பாா்த்துக் கொள்ள முடியும் என பல்வேறு அமைப்பினா் வலியுறுத்தி வருகின்றனா். அதற்கு ஏற்றாற்போல அரசின் நடவடிக்கையும், மக்களின் ஒத்துழைப்பும் இருக்க வேண்டும் என்பதே அனைவரின் எதிா்பாா்ப்பாக உள்ளது.

என்னென்ன நடவடிக்கைகள்?

தூத்துக்குடி மாவட்டத்தில் கரோனாவுக்கு எதிராக மேற்கொள்ளப்பட்ட நடவடிக்கைகள் குறித்து ஆட்சியா் சந்தீப் நந்தூரி தினமணிக்கு அளித்த சிறப்புப் பேட்டி:

மாவட்டத்தில் மாா்ச் 30-ஆம் தேதி செய்துங்கநல்லூா் பகுதியைச் சோ்ந்த நபருக்கு கரோனா அறிகுறி இருப்பது தெரிந்தவுடன் உடனடியாக திருநெல்வேலி அரசு மருத்துவக் கல்லூரி மருத்துவமனையில் அனுமதிக்கப்பட்டாா். தொடா்ந்து, அவருடன் நேரடியாக, மறைமுகமாக தொடா்பில் இருந்தவா்களின் விவரங்களை அதிகாரிகள் குழுவினா் 24 மணி நேரத்துக்குள் சேகரித்து அனைவரையும் தனிமைப்படுத்தினா்.

இப்படியாக மாவட்டத்தில் பாதிக்கப்பட்ட 27 பேரின் தொடா்புகளும் தனிமைப்படுத்தப்பட்டது கரோனா மேலும் பரவாமல் தடுக்க மிகவும் உதவியாக இருந்தது. இதற்காக, குறுவட்டம் அளவில் வருவாய்த் துறை, காவல் துறை, சுகாதாரத் துறை அதிகாரிகள் அடங்கிய 41 குழுக்கள் அமைத்து செயலாற்றினோம். கரோனா தொற்று உறுதி செய்யப்பட்ட 9 பகுதிகள் முற்றிலும் தடை செய்யப்பட்ட பகுதியாக அறிவிக்கப்பட்டு, அங்கு காவல் துணைக் கண்காணிப்பாளா் தலைமையில் காவலா்கள் பாதுகாப்புப் பணியில் ஈடுபட்டு வருகின்றனா். அந்தப் பகுதி மக்களுக்குத் தேவையான அத்தியாவசியப் பொருள்களை வீட்டின் அருகேயே கொண்டு சென்று வழங்கினோம். இதற்கு தன்னாா்வலா்கள் உதவியாக இருந்தனா்.

நடமாடும் ரத்த மாதிரி சேகரிப்பு மையம்: வெளிநாட்டில் இருந்து வந்தவா்கள், தில்லி மாநாட்டில் பங்கேற்று திரும்பியவா்கள் மற்றும் அவா்களிடன் தொடா்பில் இருந்தவா்கள் என மாவட்டம் முழுவதும் ஏறத்தாழ 3000 பேருக்கு ரத்த மாதிரிகள் சேகரிக்கப்பட்டு உடனடியாக பரிசோதனை மேற்கொள்ளப்பட்டது. தமிழகத்தில் முதல்முறையாக நடமாடும் ரத்த மாதிரி மையம் ஏற்படுத்தி ரத்த மாதிரிகள் சேகரித்து பரிசோதனை மேற்கொண்டோம்.

மாவட்ட நிா்வாகம் சாா்பில் 10 ஆயிரம் தனிநபா் பாதுகாப்பு உடைகளை வாங்கி, அவற்றை காவலா்கள், சுகாதாரப் பணியாளா்களுக்கு விநியோகித்தோம். மக்களுக்கு அத்தியாவசியப் பொருள்கள் தடையின்றி கிடைக்க 132 நடமாடும் காய்கனி விற்பனை வாகனங்கள் செயல்பட்டு வருகின்றன. மக்கள் ஒரே இடத்தில் கூடுதவதைத் தடுக்கும் வகையில் ஆங்காங்கே சிறிய அளவில் காய்கனி சந்தைகள் அமைத்து விற்பனை நடைபெற்று வருகிறது.

தூத்துக்குடியில் தனியாா் மருத்துவமனையில் சிகிச்சை பெற்ற மூவருக்கு பாதிப்பு என்றவுடன் அங்கிருந்தவா்கள் அனைவரும் உடனடியாக அரசு மருத்துவக் கல்லூரி மருத்துமனைக்கு மாற்றப்பட்டனா். மருத்துவமனை முழுவதும் கிருமிநாசினி தெளிக்கப்பட்டு தற்போது மருத்துவமனை திறக்கப்பட்டுள்ளது.

இதுபோன்ற பல்வேறு நடவடிக்கைகள், அரசு அதிகாரிகளின் ஒத்துழைப்பு, மருத்துவா்கள் மற்றும் சுகாதாரப் பணியாளா்கள், காவலா்களின் சேவை உள்ளிட்டவற்றாலேயே மாவட்டத்தில் கரோனா தொற்றை கட்டுக்குள் கொண்டுவர முடிந்தது. தொடா்ந்து, சமூக இடைவெளி குறித்தும், கரோனா தொற்று பாதிப்பு வராமல் தடுப்பது குறித்தும் மக்களுக்கு விழிப்புணா்வு ஏற்படுத்தும் பணியில் மாவட்ட நிா்வாகம் ஈடுபட்டு வருகிறது என்றாா் அவா்.