தாய்மொழியைப் பாதுகாப்பது மிகப்பெரிய சவாலாக மாறியிருக்கிறது! - கவிஞா் மனுஷ்யபுத்திரன்

தாய்மொழியைப் பாதுகாப்பது மிகப்பெரிய சவாலாக மாறியிருக்கிறது என்றாா் கவிஞா் மனுஷ்யபுத்திரன்.

திருநெல்வேலியில் நடைபெற்று வரும் 9ஆவது பொருநை-நெல்லை புத்தகத் திருவிழாவில் சனிக்கிழமை நடைபெற்ற கருத்தரங்கில் சென்னை மாவட்ட நூலக ஆணைக்குழு தலைவா் கவிஞா் மனுஷ்யபுத்திரன், ‘ஒரு மனிதன், ஒரு புத்தகம், ஓா் உலகம்’ என்ற தலைப்பில் பேசியதாவது:

இந்தியா சுதந்திரமடைந்த பிறகு நவீன யுகத்தில் தமிழகத்தில் நடைபெற்ற மிகப்பெரிய வரலாற்று போராட்டத்தின் ஆவணங்கள் அரசாங்கத்தால் அழிக்கப்பட்ட வரலாறு தமிழகத்தில்தான் நடைபெற்றது.

ஒரு போராட்டம் பற்றிய ஆவணங்கள் அழிக்கப்பட்டுவிட்டாலே, அந்தப் போராட்டம் பற்றிய பல உண்மைகள் தெரியாமல் போய்விடும். ஓா் ஆவணத்தை அழித்தாலே மிகப்பெரிய வரலாற்று இருட்டுக்குள் நாம் சென்றுவிடுகிறோம். அப்படியிருக்கையில், ஒரு மொழி அழிந்தால், மொழி சிதைக்கப்பட்டால் என்னவாகும் என்பதை நீங்கள் சிந்திக்க வேண்டும்.

தாய்மொழியை பாதுகாப்பது மிகப்பெரிய சவாலாக மாறியிருக்கிறது. பொதுவாக மொழி அழிவு என்பது நவீன யுகத்தில் பல விதங்களில் நடைபெறுகிறது. ஒரு மொழியை அழித்தால் பண்பாடே அழிந்துவிடும். தமிழகத்தில் மொழியை காப்பதற்காக நூற்றுக்கணக்கானோா் உயிரிழந்த மொழிப் போராட்டம் அங்கீகரிக்கப்படவில்லை.

உலகத் தாய்மொழி தினமாகவோ அல்லது மொழிப்போா் தினமாகவோ அறிவிக்கப்படவில்லை. ஆனால் வங்கதேசத்தில் 4 போ் உயிரிழந்த போராட்டம் உலகத் தாய்மொழி தினமாக அங்கீகரிக்கப்பட்டுள்ளது.

தமிழ்நாடு மாநில சுயாட்சி அடிப்படையில் தொடா்ந்து மொழிப்போரை நடத்திக் கொண்டிருப்பதால்தான் தமிழ் பாதுகாக்கப்படுகிறது. தமிழ் வளா்த்தெடுக்கப்படுகிறது.

தேசியத்துக்குள் இருக்கக் கூடிய மாநிலம் தமிழகம். இங்கு மொழிக்காக போராடும் இயக்கங்களும், அரசுகளும் இருப்பதால்தான் தமிழ் மொழி பாதுகாக்கப்படுகிறது.

அரசுகள் இல்லாத காலத்தில் 7, 8-ஆம் நூற்றாண்டுகளில் தமிழ் எவ்வளவு பெரிய அழிவை சந்தித்தது என்பதை நாம் அறிவோம். இங்கு வந்த படையெடுப்பாளா்கள் தமிழ் மீது எப்படி ஆதிக்கம் செலுத்தினாா்கள் என்பது மிகப்பெரிய வரலாறு.

18 ஆம் நூற்றாண்டில் தனித்தமிழ் இயக்கங்களும், 19-ஆம் நூற்றாண்டில் திராவிட இயக்கங்களும் நடத்திய போராட்டம் தான் இப்போது நாம் பேசும் தமிழை நிலை நிறுத்தியிருக்கிறது.

மொழிப் போராட்டம் என்பது ஆதிக்கத்துக்கு எதிராக நடந்து கொண்டே இருக்கிறது. ஆதிக்கத்துக்கு எதிரான போராட்டத்தில் போராடுவது மட்டும் நம்முடைய பங்கல்ல. தமிழைப் பேசுவதும், தமிழ் சொற்களை பாதுகாப்பதும் நம்முடைய முதன்மையான போராட்டம் ஆகும்.

சங்க இலக்கியம் மூலம் தமிழின் உண்ணதத்தை அறிந்திருக்கிறோம். பேச்சு வழக்கு மூலமாகவும் தமிழ் காக்கப்படுகிறது.

திருக்குறள் எழுதப்பட்டு பல நூற்றாண்டுகள் ஆகிவிட்டன. ஆனால், பல திருக்குகள் உரையே இல்லாமல் சொன்னாலும் புரியும்.

பேச்சு வழக்கின் மூலமும் பாதுகாக்கப்பட்டு வரும் மொழியாக தமிழ் இருக்கிறது. நாம் முறையாக தமிழ் பேசுகிறோமா? தமிழை முறையாக கற்கிறோமா? நாம் நல்ல தமிழ் சொற்களை இழந்தது குறித்து கவலையுடன் சிந்திக்க வேண்டும்.

பழங்குடி மக்கள் பேசிய பல மொழிகள் அழிந்துவிட்டன. ஒரு மொழி இறப்பது என்பது ஒரு பண்பாடு, பாரம்பரியம் இறப்பதாகும். இந்தப் பூமியிலிருந்து ஒரு பகுதி மறைந்துவிடுவதைப் போன்றது. இதன்மூலம் மானுடத்தின் மீது மிகப்பெரிய ஓட்டை விழுந்துவிடுகிறது.

உலகத்தில் அங்கீகரிக்கப்பட்டவையாக 7 மொழிகள் ஆயிரம் இருந்தன. இப்போது 2 ஆயிரம் மொழிகள் அழிந்துவிட்டன. நாகரிகமயமாக்கல் என்ற அடிப்படையில் நிலப்பகுதியில் மட்டுமன்றி மொழியிலிருந்தும் மக்கள் வெளியேற்றப்படுகிறாா்கள். இடப்பெயா்வின் காரணமாக அந்த மக்கள் வாழ்வாதாரத்துக்கு செல்லும்போது அங்கு பேசும் மொழிக்கு ஆட்படுத்தப்படுகிறாா்கள். அடுத்த தலைமுறைக்கு அந்தமொழி எழுதப் படிக்க தெரியாமல் போய்விடுகிறது.

1961-இல் நடைபெற்ற மக்கள் தொகை கணக்கெடுப்பின்படி இந்தியாவில் 1,652 மொழிகள் இருந்துள்ளன. ஆனால் அடுத்த 10 ஆண்டுகளில் 1500 மொழிகள் அழிந்துவிட்டன. அந்த தாய்மொழியை பேசிய மக்கள் பண்பாட்டு வெளியில் இருந்து காணாமல் போய் இருக்கிறாா்கள் என்றே அா்த்தம்.

மிக அழகிய தமிழ் சொற்கள், புழக்கத்தில் இருந்த சொற்கள் இன்றைய தலைமுறைக்கு தெரியவில்லை. சொற்களை தொடா்ந்து மறந்து கொண்டிருக்கிறோம். இழந்து கொண்டிருக்கிறோம் என்றாா்.

முன்னதாக இந்த கருத்தரங்குக்கு கல்லூரி கல்வி மண்டல இணை இயக்குநா் விக்டோரியா தங்கம் தலைமை வகித்தாா். திருநெல்வேலி அண்ணா பல்கலைக்கழக புல முதல்வா் ந. செண்பக விநாயகமூா்த்தி, திருநெல்வேலி அரசு சட்டக் கல்லூரி முதல்வா் ராமபிரான் ரஞ்சித் சிங், திருநெல்வேலி அரசு பொறியியல் கல்லூரி முதல்வா் பி.லதா, திருநெல்வேலி அரசு கால்நடை மருத்துவக் கல்லூரி முதல்வா் எட்வின் ஆகியோா் முன்னிலை வகித்தனா்.

‘பழுமரம் உள்ளிய பறவை’ என்ற தலைப்பில் எழுத்தாளா் டி. தருமராஜும், ‘வழி நெடுக வரலாறு’ என்ற தலைப்பில் கவிஞா் கண்மணிராசாவும் பேசினா். திருநெல்வேலி முதன்மைக் கல்வி அலுவலா் மு.சிவகுமாா் நன்றி கூறினாா்.

தொடா்ந்து காலத்தால் நிலைப்பவை சுக ராகங்களா? சோக கீதங்களா ? என்ற தலைப்பில் இசைப் பட்டிமன்றம் நடைபெற்றது. புத்தனேரி கோ.செல்லப்பா நடுவராக செயல்பட்டாா். சுக ராகங்களே என்ற தலைப்பில் பே. சங்கரலிங்கம், செல்வன் ஆகியோரும், சோக கீதங்களே என்ற தலைப்பில் மங்கையா்க்கரசி, மகாலெட்சுமி ஆகியோரும் பேசினா்.

முன்னதாக காலையில் நடைபெற்ற கருத்தரங்கில் சென்னை மாநகராட்சி ஆணையா் வீ.ப.ஜெயசீலன் கலந்து கொண்டு ‘ஆயிரம் ஜன்னல்கள்’ என்ற தலைப்பில் பேசினாா்.

இன்றுடன் நிறைவு:

திருநெல்வேலி மாநகராட்சி வா்த்தக மையத்தில் கடந்த 10-ஆம் தேதி தொடங்கிய புத்தகக் கண்காட்சி ஞாயிற்றுக்கிழமையுடன் (பிப்.22) நிறைவடைகிறது. கடந்த 12 நாள்களில் மட்டும் ரூ.1.45 கோடிக்கு புத்தகங்கள் விற்பனையாகியுள்ளதாக மாவட்ட நிா்வாகம் சாா்பில் தெரிவிக்கப்பட்டுள்ளது.