சொத்துவரியுடன் வணிக உரிமை கட்டணம் இணைப்பு: எம்சிடி அறிவிப்பு

பொது வணிகம் மற்றும் சேமிப்பு உரிமை கட்டணத்தை சொத்து வரி அமைப்புடன் ஒருங்கிணைக்க முடிவெடுத்துள்ளதாக தில்லி மாநகராட்சி (எம்சிடி) சனிக்கிழமை அறிவித்தது.

இந்தத் திட்டத்துக்கு தில்லி மாநகராட்சி ஆணையா் ஒப்புதல் அளித்ததாக அதிகாரிகள் தெரிவித்தனா்.

வரி செலுத்துவதில் குடியிருப்பாளா்கள் மற்றும் தொழில்நடத்துவோருக்கு எளிய நடைமுறையைக் கொண்டு வரும் வகையில் தனி உரிமம் விண்ணப்பத்தை விண்ணப்பிக்க தேவையில்லை.

இந்தப் புதிய முறையில், சொத்து உரிமையாளா்கள் மற்றும் வாடகைதாரா்கள் தனித்துவ சொத்து அடையாள குறியீடு (யுபிஐசி) மூலம் தில்லி மாநகராட்சி இணையதளத்தில் சொத்து வரியுடன் உரிம கட்டணத்தை செலுத்த முடியும்.

இதற்கான உத்தரவு வெளியிடப்பட்ட நிலையில், அடுத்த சில நாள்களில் இந்த முறை அமலுக்கு வரும் என அதிகாரிகள் தெரிவித்தனா்.