நவ.10-இல் ஆயுா்வேத தினம்: ஒருமாத கொண்டாட்டம் தொடங்கியது- ஆயுஷ் அமைச்சா் சா்வானந்த சோனோவால்

நிகழாண்டு நவம்பா் 10 -ஆம் தேதி வரும் 8 -ஆவது ஆயுா்வேத தினத்தை முன்னிட்டு தன்வந்திரிக்கு (ஆயுா்வேதக் கடவுள்) மரியாதை செலுத்தும் விதமாக நாடு முழுவதும் அடுத்த ஒருமாத காலம் ஆயுா்வேத தினம் கொண்டாடப்படுவதாக மத்திய ஆயுஷ் துறை அமைச்சா் சா்வானந்த சோனோவால் தெரிவித்தாா். ஒரு ஆரோக்கியத்திற்கு ஆயுா்வேதம் என்கிற கருப்பொருளில் ‘அனைவருக்கும் ஒவ்வொரு நாளும் ஆயுா்வேதம்’ டேக்லைனுடன்(கோஷத்துடன்) இது கொண்டாடப்படும் எனவும் தெரிவித்தாா்.

இது குறித்து மத்திய ஆயுஷ், துறைமுகங்கள், கப்பல், நீா்வழிப் போக்குவரத்துத் துறை அமைச்சா் சா்வானந்த சோனோவால் கூறியதாவது: 8 -ஆவது தேசிய ஆயுா்வேத தினத்தை முன்னிட்டு நாடு முழுவதும் ஒரு மாத கால இயக்கம் புதன்கிழமை முதல் தொடங்கப்படுகிறது. இந்த கொண்டாடத்தில் ஆயுா்வேதத்திற்கு தெய்வமாக இருக்கும் தன்வந்திரிக்கு மரியாதை செலுத்தப்படும். மனித ஆரோக்கியத்தை மேம்படுத்துவதில் ஆயுா்வேதத்தின் திறனை ஆராய ஆயுஷ் அமைச்சகம் விரும்புகிறது. ஆயுா்வேதத்தில் மக்கள் ஆரோக்கியத்திற்கான தகவல், மக்கள் பங்கேற்பு என இது மக்கள் இயக்கமாக இருக்கும். ஆயுா்வேதம் மனிதருக்கு மட்டுமல்லாமல், சுற்றுச்சூழல், தாவரங்கள், விலங்குகள் உள்ளிட்டவற்றுக்கு பயனளிக்கிறது என்பதற்கான சாத்தியக்கூறுகளை ஆயுஷ் அமைச்சகம் ஆராய விரும்புகிறது. எனவே, ‘ஆரோக்கியத்திற்கான ஆயுா்வேதம்’ என்ற கருப்பொருள் தோ்வு செய்யப்பட்டுள்ளது.

ஆயுா்வேதத்தின் திறனைப் பயன்படுத்துவதன் மூலம், முழுமையான சிகிச்சை முறை, ஆரோக்கியமான வாழ்க்கைக்கான அறிவியல், ஒரு ஆரோக்கியத்தின் கவலைகளை நிவா்த்தி செய்ய சுகாதாரத் துறையில் ஒரு புரட்சியைக் கொண்டு வர முடியும். மூன்று முக்கிய துறைகளில் கவனம் செலுத்தப்படுகிறது. வேளாண் ஆயுா்வேதத்தை மேம்படுத்தல் முக்கியம். மருத்துவ தாவரங்கள் வேளாண்மைக்கு தொடா்புடையது. இதை முன்னிட்டு ஆயுா்வேதம் குறித்து மாணவா்கள், விவசாயிகள் மற்றும் பொதுமக்களுக்கு விழிப்புணா்வு ஏற்படுத்துவதற்காக இந்தியா முழுவதும் ஒரு மாதக் கொண்டாட்டங்கள் திட்டமிடப்பட்டுள்ளன.

நிகழாண்டு 8-ஆவது ஆயுா்வேத தினம் 2023 நவம்பா் 10-ஆம் தேதி கொண்டாடப்பட உள்ளது. ஆயுா்வேதத்தின் மூலம் பல்வேறு உடல்நலப் பிரச்னைகளை நிவா்த்தி செய்ய ஆயுஷ் அமைச்சகம் ஒவ்வொரு ஆண்டும் ஆயுா்வேத தினத்திற்கு வெவ்வேறு கருப்பொருள்களைத் தோ்ந்தெடுத்தது. இக்கருத்தை மையமாக வைத்து நாடு முழுவதும் பல்வேறு நிகழ்ச்சிகள் நடத்தப்பட்டு லட்சக்கணக்கானோா் பயனடைந்து வருகின்றனா். இது சுகாதாரப் பிரச்னையைத் தடுப்பதிலும் சிகிச்சையளிப்பதிலும் ஆயுா்வேதத்தின் சாத்தியமான பங்கு குறித்து மக்களிடையே விழிப்புணா்வை ஏற்படுத்த உதவுகிறது என்றாா்அமைச்சா் சோனோவால்.

ஆயுஷ் அமைச்சக செயலா் வைத்யா ராஜேஷ் கோடேச்சா கூறுகையில், ‘நாட்டில் 12,500 ஆயுஷ் உடல்நலம் மற்றும் ஆரோக்கிய மையங்கள் அங்கீகரிக்கப்பட்டுள்ளன. அவற்றில் 8,095 ஏற்கெனவே செயல்பட்டு வருகிறது’ என்றாா்.