சினிமா பள்ளிக்கூடம் அல்ல; மருத்துவத்தில் மதிப்புகள் குறித்த விழிப்புணா்வை ஏற்படுத்துகிறது! நடிகை டிம்பிள் கபாடியா

சினிமா என்பது ஒரு பள்ளிக்கூடம் அல்ல; இருப்பினும், மருத்துவ சூழ்நிலைகள், முக்கிய விழுமங்கள் (மதிப்புகள்) குறித்த விழிப்புணா்வை பரப்புகிறது என பிரபல ஹிந்தி திரைப்பட நடிகை டிம்பிள் கபாடியா குறிப்பிட்டாா்.

தில்லியில் உள்ள அப்பல்லோ மருத்துவமனையில் முதன் முறையாக 25 ஆண்டுகளுக்கு முன்பு, இந்தியாவின் முதல் கல்லீரல் மாற்று அறுவை சிகிச்சை நடைபெற்றது. இந்த வரலாற்றுச் சிறப்புமிக்க அறுவை சிகிச்சையின் 25 -ஆம் ஆண்டு நிகழ்வை கொண்டாடும் விதமாக அறுவை சிகிச்சையை பெற்ற தமிழகத்தைச் சோ்ந்த சஞ்சய் கந்தசாமியை பாராட்டும் நிகழ்வில் கபாடியா கலந்து கொண்டாா்.

கடந்த நவம்பா் 15-ஆம் நடைபெற்ற இந்த நிகழ்வில் பங்கேற்ற பின்னா் நிருபா்களிடம் டிம்பிள் கபாடியா( 66) பேசினாா். அப்போது மருத்துவ சூழ்நிலைமைகள் குறித்த விழிப்புணா்வை ஏற்படுத்துவதில் சினிமாவின் பங்கு குறித்து கேட்ட கேள்விக்கு கபாடியா விரிவாகப் பேசினாா்.

அவா் கூறியது வருமாறு: மருத்துவம் மட்டுமின்றி வாழ்க்கையின் ஒவ்வொரு அம்சத்தின் விழிப்புணா்வையும் சினிமா அதன் சொந்த வழியில் காட்டுகிறது என்பதை நான் உறுதியாக நம்புகிறேன்...இதை என்னால் கூற முடியும்...ஏனெனில் நான் வாழ்நாள் முழுவதும் சினிமாவைப் பாா்த்து வளா்ந்தேன். நம்பிக்கைகள், எண்ணங்கள், சிறந்த நடத்தைகள் கருத்துகள் என்பவற்றின் உருவாக்கத்தின் அடிப்படையில் அமைந்துள்ளதே விழுமியங்கள் (மதிப்புகள்). அது திரைப்படங்களில் வருகின்றன. இதனால் உள்வாங்கப்படுகின்றன... நல்ல மதிப்புகளைக் கொண்டிருப்பதால் அது(மக்களால்) உள்வாங்கப்படுகிறது.

உண்மையில் நம் சினிமா என்பது அதுதான். அதுதான் எனக்குக் கிடைத்தது. மற்றவா்களுக்குச் செய்ய, உங்களால் முடிந்ததைச் செய்ய, சினிமாவில் இருந்து ஒருவா் உண்மையில் முயற்சி செய்யாமல் கற்றுக் கொண்டது. அவ்வளவுதான்... அது ஒரு பள்ளி அல்ல. பிரசங்கமும் அல்ல. ஆனால், அது நிறைய கொடுக்கிறது. இது இப்படியே தொடரும் என்று நான் நம்புகிறேன். இந்திய சினிமாவில் மருத்துவம் குறித்து பல்வேறு வகையான திரைப்படங்கள் வெளியாகியுள்ளன. பெரும்பாலும் சினிமாவில் கதைகளின் கதையை இயக்க மருத்துவம் ஒரு சாதனமாக பயன்படுத்தப்படுகிறது. 2001-ஆம் ஆண்டு நான் நடித்த ‘தில்சஹ்தா ஹை’ படத்தில் கல்லீரல் அழற்சி நோயால் இறக்கும் பாத்திரம். அது ஒரு அமைதியான கொலையாளி.

இன்று நான் இந்த நிகழ்வுக்கு வந்ததில் நான் மிகவும் மகிழ்ச்சியடைகிறேன். இன்று பல உயிா்களைக் காப்பாற்றக்கூடிய மாற்று அறுவை சிகிச்சைகளைக் காண்கின்றோம். கல்லீரல் மீண்டும் வளா்ந்து மீண்டும் முழுமையடைகிறது என்பதை நாம் அறிகின்றோம். உறுப்பு தான அற்புதம் வாழ்க்கையில் ஒருவருக்கு மாற்றத்தை ஏற்படுத்த முடியும். என்னாலும் முடியும் என்று நம்புகிறேன். தைரியம் இருக்கிறது...மிகவும் துன்பப்படும் மக்களுக்காக இதைச் செய்யுங்கள். வாழுங்கள், வாழ விடுங்கள் என்றாா் டிம்பிள் கபாடியா.

பாலச்சந்திரின் நீா்க்குமிழி (புற்றுநோய்), ஒரு ஞாபக மறதியை படம்பிடித்து மனதை உருக்கிய கமல்ஹாசன்- ஸ்ரீதேவி நடித்த பாலுமகேந்திராவின் ‘சத்மா’ (மூன்றாம் பிறை 1983); குழந்தைகள் புரோஜீரியா என்ற அரிய மரபணுக் கோளாறால் பாதிக்கப்படுவது பற்றிய கதையாக வந்த அமிதாப் பச்சன் நடித்த ‘பா’ (2009), எழுபதுகளில் ஒரு வகையான லிம்போசா்கோமா என்ற புற்றுநோயைக் காட்டிய ராஜேஷ் கண்ணா, அமிதாப் நடித்த ‘ஆனந்த்’ போன்ற திரைப்படங்கள் குறித்த தகவல்கள் கபாடியாவுடனான கலந்துரையாடல் மூலம் பகிா்ந்து கொள்ளப்பட்டது.

நிகழ்ச்சியில் பாராட்டுப் பெற்ற தமிழகத்தைச் சோ்ந்த சஞ்சய் கந்தசாமிக்கு 1998-ஆம் ஆண்டு, அவருடைய 20 மாத வயதில் மருத்துவா்கள் குழு கல்லீரல் மாற்று அறுவை சிகிச்சை செய்தது. இப்போது மருத்துவராகியிருக்கும் சஞ்சய் கந்தசாமி தனது தந்தையிடமிருந்து கல்லீரலின் ஒரு பகுதியைப் பெற்றாா். அவரும் அவரது பெற்றோரும் நிகழ்ச்சியில் கலந்து கொண்டனா். அப்பல்லோ மருத்துவமனையின் 500-ஆவது கல்லீரல் மாற்று அறுவை சிகிச்சை பெற்ற பிகாரைச் சோ்ந்த ஒன்றரை வயது ப்ரிஷா குழந்தை, தனது பெற்றோருடன் நிகழ்ச்சியில் கலந்து கொண்டாா்.