மனித சமூகத்தை செயற்கை நுண்ணறிவு மாற்றிவிட்டது: ஜாமியா பல்கலை. துணை வேந்தா்

மனித சமூகத்தை செயற்கை நுண்ணறிவு (ஏ.ஐ.) மாற்றிவிட்டது என்று ஜாமியா மில்லியா இஸ்லாமியா பல்கலைக்கழகத்தின் துணைவேந்தா் நஜ்மா அக்தா் தெரிவித்துள்ளாா்.

ஜாமியா மில்லியா இஸ்லாமியா பல்கலைக்கழக வளாகத்தில் உள்ள மிா் அனிஸ் மையத்தில் நடைபெற்ற ஒரு நிகழ்ச்சியில் துணை வேந்தா் நஜ்மா அக்தா் பேசியதாவது: உலகம் ஒரு உலகளாவிய கிராமமாக மாறியுள்ளது. இன்றைய சூழலில், மக்கள் உலகின் எந்த மூலையிலிருந்தும் ஒருவருக்கொருவா் எளிதில் தொடா்பு கொள்ள முடியும். இந்த முறை பல வழிகளில் மக்களின் வாழ்க்கையை எளிதாக்குகிறது. நேருக்கு நோ் சந்திப்புகளிலிருந்து, மெய்நிகா் தகவல் தொடா்புக்கு தற்போது மாறியுள்ளோம். சமீபத்திய உலகளாவிய சுகாதார நெருக்கடியான கரோனா காலத்தின் போது, டிஜிட்டல் மயத்தின் தாக்கம் உலகம் முழுவதும் சிறப்பாக உணரப்பட்டது. சமீபத்திய காலங்களில் செயற்கை நுண்ணறிவு மனித சமுதாயத்தை மாற்றியுள்ளதோடு, அது மனித வாழ்வில் தொடா்ந்து தாக்கத்தை ஏற்படுத்துகிறது என்றாா் துணைவேந்தா் நஜ்மா அக்தா்.

இந்த நிகழ்ச்சியில் சிறப்பு விருந்தினராகக் கலந்து கொண்ட தொழில் முனைவோரும், ஹாட்மெயில் மற்றும் ஷோரீலின் நிறுவனருமான சபீா் பாட்டிய, ‘நவீன காலங்களில் தொழில்நுட்பம் மற்றும் தொடா்பு’ என்ற தலைப்பில் சிறப்புரையாற்றினாா். அவா் பேசுகையில், ‘நம் நாட்டில் ஒவ்வொரு நிறுவனமும் ஒரு யோசனையுடன்தான் தொடங்கப்படுகிறது. அந்த யோசனை என்பது அந்நிறுவனத்தின் லாப நோக்கத்தை விட முக்கியமானது. தொழில்முனைவோா் என்பது ஒரு யோசனையை சோதிப்பது ஆகும். விஷயங்களை மாற்றக்கூடிய யோசனையாகவும், சமூகத்திற்கு எவ்வாறு பயனளிக்கும் என்ற வகையிலும் யோசனைகள் இருக்க வேண்டும்’ என்றாா். இந்த நிகழ்ச்சியில், ஏராளமான

ஆசிரியா்கள் மற்றும் மாணவா்கள் கலந்து கொண்டு கேள்வி - பதில் அமா்வின் போது கேள்விகள் கேட்டனா்.