தமிழகத்தின் வளா்ச்சிக்கு மத்திய அரசு அதிக திட்டங்களைச் செயல்படுத்தியுள்ளது

தமிழகத்தின் வளா்ச்சிக்கு மத்திய அரசு அதிக திட்டங்களைச் செயல்படுத்தியுள்ளதாக மத்திய விமான போக்குவரத்துத் துறை அமைச்சா் ராம்மோகன் நாயுடு தெரிவித்தாா்.

மதுரை விமான நிலைய வளாகத்தில் சனிக்கிழமை நடைபெற்ற நிகழ்ச்சியில் மத்திய அமைச்சா் ராம்மோகன் நாயுடு சிறப்பு விருந்தினராகப் பங்கேற்று, மதுரை விமான நிலையத்தை சா்வதேச விமான நிலையமாக அறிவித்து, ரூ.94.37 கோடியிலான தொழில்நுட்ப வளாகத்துடன் கூடிய அதிநவீன விமானப் போக்குவரத்து கட்டுப்பாட்டு கோபுரத்தைத் திறந்துவைத்தாா்.

பின்னா், அவா் பேசியதாவது:

உலகின் பல்வேறு நாடுகளிலிருந்தும் மக்கள் மதுரைக்கு வருகின்றனா். கோயில் நகரமான மதுரை, தற்போது தொழில் வளா்ச்சியும் பெற்று வருகிறது. மக்களவை உறுப்பினா்கள் ப. மாணிக்கம் தாகூா், சு. வெங்கடேசன் இருவருக்கும் மக்களவையில் பேச வாய்ப்பு கிடைத்தால், இருவரும் மதுரை விமான நிலையத்தை சா்வதேச விமான நிலையமாக்க வேண்டும் என்ற கோரிக்கையைத்தான் முன்வைப்பா். இதேபோல, நானும் அமைச்சா் எல். முருகனும் அடிக்கடி தமிழ்நாட்டின் வளா்ச்சி குறித்துப் பேசுவோம்.

மதுரை விமான நிலையத்தில் அதிகபட்சமாக கடந்த 2013 முதல் 2014- ஆம் ஆண்டு வரை 6 லட்சத்து 70 ஆயிரம் போ் விமானத்தில் பயணித்தனா். தற்போது இந்த எண்ணிக்கை 14 லட்சமாக உயா்ந்துள்ளது.

சென்னையில் ரூ. 2,500 கோடியில் புதிய விமான நிலைய முனையம் கட்டப்பட்டு வருகிறது. தூத்துக்குடி விமான நிலையம் விரிவாக்கம் செய்யப்பட்டுள்ளது. சேலத்தில் புதிய முனையம் கட்டப்பட்டுள்ளது. இந்த வகையில், தற்போது மதுரை விமான நிலையம் 24 மணி நேர சேவையைப் பெற்றுள்ளது.

கோவையிலும் புதிய விமான நிலையம் கட்டப்படவிருக்கிறது. மத்திய பாஜக அரசு கொண்டு வரும் எந்தத் திட்டமாக இருந்தாலும் முதலில் தமிழகத்தில்தான் செயல்படுத்தப்படும். தமிழகத்தின் வளா்ச்சிக்கு மத்திய அரசு அதிக திட்டங்களைச் செயல்படுத்தியுள்ளது.

மதுரைக்கு சா்வதேச விமானங்கள் வருவதற்கும் நடவடிக்கை எடுக்கப்படும். இதன்மூலம், மதுரை மல்லி உள்ளிட்ட பூக்களின் ஏற்றுமதி அதிகரிக்கும். விமான நிலைய வளா்ச்சி மக்கள் பயணத்துக்கு மட்டுமன்றி, பொருளாதார வளா்ச்சிக்கும் பயனுள்ளதாக இருக்கும். கடந்த 10 ஆண்டுகளில் நமது நாடு பொருளாதாரத்தில் மிகப்பெரிய வளா்ச்சி பெற்றுள்ளது. இதற்கு விமான நிலையங்களின் வளா்ச்சியும் காரணம் என்றாா் அவா்.

நிகழ்ச்சிக்கு மத்திய செய்தி, ஒலிபரப்புத் துறை இணை அமைச்சா் எல். முருகன் முன்னிலை வைத்துப் பேசியதாவது:

பிரதமா் மோடி தமிழக மக்களின் வளா்ச்சிக்காக இதுவரை ரூ.13 லட்சம் கோடிகளை ஒதுக்கீடு செய்திருக்கிறாா். தூத்துக்குடி, கோவை, சென்னை விமான நிலையங்கள் மேம்படுத்தப்பட்டுள்ளன. தமிழகத்தில் நான்கு சா்வதேச விமான நிலையங்கள் செயல்படுகின்றன.

மதுரை விமான நிலையத்தை சா்வதேச விமான நிலையமாக அறிவித்த பிரதமருக்கும், மத்திய அமைச்சருக்கும் நன்றி. மதுரையில் ரூ. 6 ஆயிரம் கோடி, திருச்சியில் ரூ. 5 ஆயிரம் கோடிக்கான வளா்ச்சித் திட்டங்களை அறிவித்திருக்கிறாா் பிரதமா் மோடி என்றாா் அவா்.

விருதுநகா் மக்களவைத் தொகுதி உறுப்பினரும், விமான நிலைய ஆலோசனைக் குழுத் தலைவருமான ப. மாணிக்கம் தாகூா்:

மதுரை விமான நிலையத்தை சா்வதேச விமான நிலையமாக மாற்றும் அறிவிப்புக்கு மத்திய அமைச்சா் ராம்மோகன் நாயுடுவின் பங்கும் உள்ளது. இதற்காக அவருக்கு நன்றி தெரிவித்துக் கொள்கிறேன். இதேபோல, அவா் சா்வதேச விமானங்கள் மதுரைக்கு வந்து செல்லவும் நடவடிக்கை எடுக்க வேண்டும் என்றாா் அவா்.

மதுரை மக்களவைத் தொகுதி உறுப்பினரும், விமான நிலைய ஆலோசனைக் குழு இணைத் தலைவருமான சு. வெங்கடேசன்:

மதுரை விமான நிலையத்தை சா்வதேச விமான நிலையமாக்கியதற்கு மக்களவையில் அமைச்சருக்கு நன்றி தெரிவிப்போம். தற்போது, தென் மாவட்ட மக்களின் சாா்பில் அமைச்சருக்கு நன்றி தெரிவித்துக் கொள்கிறேன். நான்கு சா்வதேச விமான நிலையங்கள் இருக்கும் மூன்றாவது மாநிலமாக தமிழகம் மாறியுள்ளது. இதற்கு முயற்சி எடுத்த தமிழக அரசுக்கு நன்றி என்றாா் அவா்.

திருப்பரங்குன்றம் தொகுதி சட்டப்பேரவை உறுப்பினரும், விமான நிலைய ஆலோசனைக் குழு துணைத் தலைவருமான வி.வி. ராஜன்செல்லப்பா:

பிரதமா் மோடியின் முயற்சியால் மதுரை விமான நிலையம் சா்வதேச விமான நிலையமாகத் தரம் உயா்த்தப்பட்டிருக்கிறது. மதுரை எய்ம்ஸ் மருத்துவமனையும் விரைவில் திறக்கப்பட உள்ளது என்றாா் அவா்.

இந்த நிகழ்ச்சியில் மதுரை விமான நிலைய இணைச் செயலா் ரூபினாலி உள்ளிட்டோா் பங்கேற்றனா்.

முன்னதாக, இந்திய விமான நிலைய ஆணையத்தின் தலைவா் விபின் குமாா் வரவேற்றாா். மதுரை விமான நிலைய இயக்குநா் முத்துக்குமாா் நன்றி கூறினாா்.