மேக்கேதாட்டு அணை விவகாரத்தில் கா்நாடக முதல்வா் அரசியல் ஆதாயம் தேடுகிறாா்: அன்புமணி ராமதாஸ்

மேக்கேதாட்டு அணை விவகாரத்தில் மக்களின் உணா்வுகளைத் தூண்டி, கா்நாடக முதல்வா் டி.கே.சிவகுமாா் அரசியல் ஆதாயம் தேட முயல்வதாக பாமக தலைவா் அன்புமணி ராமதாஸ் குற்றம்சாட்டியுள்ளாா்.

மேக்கேதாட்டு அணையைத் தடுப்போம்; காவிரியைக் காப்போம்’ என்ற விழிப்புணா்வுப் பிரசாரப் பயணத்தை மேற்கொண்டுள்ள பாமக தலைவா் அன்புமணி ராமதாஸ், சேலத்தில் வியாழக்கிழமை செய்தியாளா்களிடம் கூறியதாவது:

மேக்கேதாட்டு அணை கட்டப்பட்டால் தமிழகத்தில் குடிநீா்த் தட்டுப்பாடு மற்றும் உணவுப் பஞ்சம் ஏற்படும். இதுகுறித்து தமிழகத்தில் பலருக்கும் புரிதல் இல்லை. எனவே, பட்ஜெட் கூட்டத்தொடருக்கு முன்பாகவே அனைத்துக் கட்சி கூட்டத்தைக் கூட்டி, மேக்கேதாட்டு அணை திட்டத்தை அரசு தடுத்து நிறுத்த வேண்டும்.

கடந்த 1974 முதல் 29 லட்சம் ஹெக்டேராக இருந்த தமிழகத்தின் பாசனப் பரப்பு தற்போது 20 லட்சம் ஹெக்டேராக குறைந்துள்ளது. ஆனால், அதே நேரத்தில் கா்நாடகத்தின் பாசனப் பரப்பு பல மடங்கு அதிகரித்துள்ளது. மேக்கேதாட்டு அணை கட்டப்பட்டால் கா்நாடகத்தின் நீா்த்தேக்க கொள்ளளவு 185 டிஎம்சியாக உயரும். இது மேட்டூா் அணையின் கொள்ளளவை விட இரண்டு மடங்காகும்.

காவிரி நடுவா் மன்றம் மற்றும் உச்ச நீதிமன்றம் பல தீா்ப்புகளை வழங்கியிருந்தும், கா்நாடகம் அணை கட்டுவதில் உறுதியாக உள்ளது. கா்நாடக அரசு நீதிமன்றத் தீா்ப்புகளை மதிப்பதில்லை. இந்த விவகாரத்தில் கா்நாடக முதல்வா் டி.கே. சிவகுமாா் தொடா்ந்து பொய் சொல்லி வருகிறாா்.

தமிழக அரசின் தீா்மானம் தவறு

தமிழக சட்டப் பேரவையில் மேக்கேதாட்டு விவகாரத்தில் நடுவா் மன்றம் அமைக்க வேண்டும் எனத் தீா்மானம் நிறைவேற்றியது தவறானது. மேக்கேதாட்டு அணைத் திட்டத்தையே நாம் ஏற்றுக்கொள்ளாதபோது, எதற்காக நடுவா் மன்றம் அமைக்க வேண்டும்? அப்படி நடுவா் மன்றம் அமைத்தால் அது தமிழகத்திற்கு சாதகமாக இருக்காது.

கா்நாடகத்தில் அடுத்து வரவிருக்கும் சட்டப் பேரவைத் தோ்தலைக் கருத்தில் கொண்டு காங்கிரஸ் மற்றும் பாஜக ஆகிய இரு கட்சிகளும் மேக்கேதாட்டு விவகாரத்தை பேசி வருகின்றன. குறிப்பாக, மக்களின் உணா்வுகளைத் தூண்டி கா்நாடக முதல்வா் டி.கே. சிவகுமாா் அரசியல் ஆதாயம் தேட முயல்கிறாா்.

தமிழகத்தில் நீா்ப் பாசனத்தை விரிவுபடுத்த கடந்த 60 ஆண்டுகளாக திமுக, அதிமுக ஆகிய இரு கட்சிகளும் எதுவும் செய்யவில்லை. தற்போது ஆட்சியில் உள்ள தமிழக அரசு, நீா்ப்பாசனத் திட்டங்களை நிறைவேற்றும் என நம்புகிறோம்; அதனைத் தொடா்ந்து வலியுறுத்துவோம் என்றாா்.

துண்டுப் பிரசுரம் விநியோகம்

தொடா்ந்து, மேக்கேதாட்டு அணைத் திட்டத்தைத் தடுக்க வலியுறுத்தி சேலம் மெய்யனூா் பிரதான சாலையில் பொதுமக்களிடம் விழிப்புணா்வு ஏற்படுத்திய அன்புமணி ராமதாஸ், துண்டுப் பிரசுரங்களையும் விநியோகித்தாா்.

மேட்டூரில்...

மேக்கேதாட்டில் அணை கட்டுவது தடுக்கப்படாவிடில் தமிழகத்துக்கு உணவு, குடிநீா்த் தட்டுப்பாடு ஏற்படும் என அன்புமணி ராமதாஸ் எச்சரித்துள்ளாா்.

சேலம் மாவட்டம் மேட்டூரில் நடைபெற்ற மேக்கேதாட்டு அணை எதிா்ப்பு விழிப்புணா்வு பிரசாரக் கூட்டத்தில் அவா் பேசியதாவது:

காவிரி நீரை நம்பி தமிழகத்தில் 8 கோடி மக்கள் உள்ளனா். மாநிலத்தின் 38 மாவட்டங்களில் 28 மாவட்டங்கள் குடிநீருக்காக காவிரியையே நம்பியிருக்கின்றன. டெல்டா பகுதிகள் மட்டுமன்றி மதுரை, ராமநாதபுரம், விருதுநகா் உள்ளிட்ட மாவட்ட மக்களும் இந்த நீரைத்தான் சாா்ந்துள்ளனா். 1924-க்கு முன்பு ஒப்பந்த அடிப்படையில் நமக்குத் தண்ணீா் வழங்கப்பட்டது, அதன் பிறகு அந்த ஒப்பந்தம் ரத்து செய்யப்பட்டது.

மேலும், பெங்களூருவின் குடிநீா்த் தேவை 5 டிஎம்சி மட்டுமே இருக்கும்போது, அதற்காக 70 டிஎம்சி கொள்ளளவில் கா்நாடக அரசு அணை கட்டுவது பேராபத்தாக முடியும். மேக்கேதாட்டுவில் அணை கட்டப்பட்டால் டெல்டா பகுதிக்குத் தண்ணீா் கிடைக்காமல் ஒட்டுமொத்த தமிழகத்திற்கும் உணவுத் தட்டுப்பாடு ஏற்படும் என்றாா்.

கூட்டத்தைத் தொடா்ந்து பொதுமக்களுக்கு விழிப்புணா்வு துண்டுப் பிரசுரங்களை வழங்கிய அன்புமணி ராமதாஸ், மேட்டூா் அணையின் இடதுகரை உபரிநீா் போக்கிப் பகுதியைப் பாா்வையிட்டாா்.

நிகழ்வில் மேட்டூா் தொகுதி முன்னாள் எம்எல்ஏ சதாசிவம், பாமக மாவட்ட தலைவா் மாணிக்கம், மாநில துணைத் தலைவா் ராமகிருஷ்ணன், இளைஞா் சங்கத் தலைவா் ராஜசேகரன், மேட்டூா் நகரச் செயலாளா் மதியழகன், செக்கான் ஏரி ஆயக்கட்டுதாரா்கள் மற்றும் விவசாயிகள் சங்கத் தலைவா் முத்துக்குமாா் உள்பட பலா் பங்கேற்றனா்.