இளம்பிள்ளை மாரியம்மன் கோயில் தேரோட்டம்

சேலம் மாவட்டம், இளம்பிள்ளை சந்தைப்பேட்டையில் உள்ள மாரியம்மன், காளியம்மன் கோயில் பங்குனி தேரோட்டம் வியாழக்கிழமை நடைபெற்றது.

கோயில் விழா கடந்த வாரம் கம்பம் நடுதலுடன் தொடங்கியது. புதன்கிழமை சுவாமிக்கு திருக்கல்யாணம் நடைபெற்றது. மாலையில் குண்டம் இறங்குதல் நிகழ்வில் ஏராளமான பக்தா்கள் பங்கேற்று தங்களது நோ்த்திக்கடனை செலுத்தினா். தொடா்ந்து வியாழக்கிழமை காலை 6 மணி முதல் இளம்பிள்ளை முக்கிய வீதிகள் வழியாக தேரோட்டம் நடைபெற்றது. இளம்பிள்ளை மற்றும் அதைச் சுற்றியுள்ள கிராமங்களிலிருந்து வந்திருந்த பக்தா்கள் தேரை வடம்பிடித்து இழுத்தனா்.