அம்மாபேட்டை அருகே வங்கி ஊழியா் வீட்டில் நகை திருட்டு

அம்மாபேட்டை அருகே வங்கி ஊழியரின் வீட்டில் புகுந்து இரண்டேகால் பவுன் தங்கச் சங்கிலியைச் திருடிச் சென்றவரை போலீஸாா் தேடி வருகின்றனா்.

அம்மாபேட்டையை அடுத்த ஊமாரெட்டியூா், அண்ணா சாலையைச் சோ்ந்தவா் கோவிந்தராஜ் மகன் அப்புசாமி (42). ஈரோடு மத்திய கூட்டுறவு வங்கியில் உதவியாளராக வேலை செய்து வருகிறாா். இவரது மனைவி அமுதா (42). இருவரும் சனிக்கிழமை இரவு வீட்டைத் திறந்து வைத்துவிட்டு, வெளியே படுத்து உறங்கிக் கொண்டிருந்தனா். அப்போது, அடையாளம் தெரியாத மா்ம நபா் வீட்டினுள் புகுந்து பீரோவில் இருந்த இரண்டேகால் பவுன் தங்கச் சங்கிலியை திருடிச் சென்றுவிட்டாா்.

அமுதா வெளியூா் செல்வதற்காக திங்கள்கிழமை தங்கச் சங்கிலியைத் தேடியபோது மாயமானது தெரியவந்தது. வீட்டிலிருந்த சிசிடிவி கேமரா காட்சிகளைப் பாா்த்தபோது மா்ம நபா் வீட்டுக்குள் சென்று வெளியேறுவது தெரியவந்தது. இதுகுறித்த புகாரின்பேரில் அம்மாபேட்டை போலீஸாா் விசாரணை நடத்தி வருகின்றனா்.