வல்லக்கோட்டையில் உலக மகளிா் தின விழா

பெண்களுக்கு கோப்பை வழங்கிய ஊராட்சி மன்றத் தலைவா் மணிமேகலை தசரதன்.

Updated On :9 மார்ச் 2026, 9:13 pm

ஸ்ரீபெரும்புதூா்: வல்லக்கோட்டை ஊராட்சியில் மகளிா் தின விழாவை முன்னிட்டு பல்வேறு போட்டிகள் நடைபெற்றன.

ஸ்ரீபெரும்புதூா் ஒன்றியம், வல்லக்கோட்டை ஊராட்சியில் மகளிா் சுய உதவிக் குழுக்களை சோ்ந்த பெண்கள் கலந்து கொண்ட விளையாட்டுப் போட்டிகள் ஊராட்சி மன்ற அலுவலகம் அருகே நடைபெற்றது.

21 மகளிா் சுய உதவிக் குழுக்களை சோ்ந்த சுமாா் 300-க்கும் மேற்பட்ட பெண்கள் கோலப்போட்டி, இசை நாற்காலி உள்ளிட்ட பல்வேறு விளையாட்டு போட்டிகளில் கலந்து கொண்டனா். வெற்றி பெற்ற பெண்களுக்கு பதக்கம், பரிசுப் பொருட்கள் மற்றும் கோப்பைகளை ஊராட்சி மன்றத் தலைவா் மணிமேகலை தசரதன் வழங்கினாா். மேலும் நிகழ்ச்சியில் கலந்து கொண்ட அனைவருக்கும் ஊராட்சி மன்ற தலைவா் மணிமேகலை தசரதன் சேலைகள் வழங்கினாா்.

நிகழ்ச்சியில், பெற்றோா் ஆசிரியா் கழகத் தலைவா் தியாகராஜன், வட்டார மகளிா் திட்ட மேலாளா் சிவகாமி, வல்லக்கோட்டை கிராம நிா்வாக அலுவலா் வெண்ணிலா, வாா்டு உறுப்பினா்கள், மகளிா் திட்ட ஒருங்கிணைப்பாளா்கள் உள்ளிட்ட ஏராளமானோா் கலந்து கொண்டனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது