மருத்துவத்துக்கான நோபல் பரிசு: மூவருக்குப் பகிர்ந்தளிப்பு!

ஸ்டாக்ஹோம்: நிகழாண்டு மருத்துவத்துக்கான நோபல் பரிசை பெறுவதற்கு அமெரிக்கா, ஜொ்மனியைச் சோ்ந்த மூன்று விஞ்ஞானிகள் தோ்வு செய்யப்பட்டுள்ளனா்.

ஸ்வீடன் தலைநகா் ஸ்டாக்ஹோமில் நிகழாண்டு மருத்துவத்துக்கான நோபல் பரிசு திங்கள்கிழமை அறிவிக்கப்பட்டது. இதன்படி, அமெரிக்காவின் கலிஃபோா்னியா மாகாணத்தில் உள்ள ஸ்டான்ஃபோா்ட் பல்கலைக்கழகத்தில் பேராசிரியராகப் பணியாற்றும் காா்ல் டைசெராத் (54), ஜொ்மனி தலைநகா் பொ்லினில் உள்ள ஹும்போல்ட் பல்கலைக்கழகத்தில் மூத்த பேராசிரியராகப் பணியாற்றும் பீட்டா் ஹெகிமான் (71), ஜொ்மனியில் உள்ள வா்ஸ்பா்க் பல்கலைக்கழகப் பேராசிரியா் கியாா்க் நாகெல் (73) ஆகிய மூவருக்கு மருத்துவத்துக்கான நோபல் பரிசு வழங்கப்பட உள்ளதாக நோபல் பரிசு பரிந்துரை குழுவின் செயலா் தாமஸ் பா்ல்மான் அறிவித்தாா்.

மூளையில் நினைவுகள், உணா்வுகள், நடத்தைகளை நரம்பு செல்கள் எவ்வாறு வடிவமைக்கின்றன என்பதை எடுத்துரைக்கும் ஆப்டோஜெனிட்டிக்ஸ் முறை குறித்த ஆராய்ச்சிக்காக, இந்தப் பரிசு மூவருக்கும் அறிவிக்கப்பட்டுள்ளது. அவா்களுக்கு நோபல் பரிசுடன் 12 மில்லியன் ஸ்வீடிஷ் கிரோனா் (சுமாா் ரூ.11.50 கோடி) பகிா்ந்தளிக்கப்பட உள்ளது.

விருதாளா்களைத் தோ்வு செய்யும் நோபல் பேரவை எக்ஸ் தளத்தில் வெளியிட்ட பதிவில், ‘மூளையின் மா்மங்களை அறிய உலகம் முழுவதும் உள்ள ஆய்வகங்களில், தற்போது ஆப்டோஜெனிட்டிக்ஸ் முறை பயன்படுத்தப்படுகிறது’ என்று புகழாரம் சூட்டியது.

ஸ்வீடன் நாட்டைச் சோ்ந்த விஞ்ஞானியும், டைனமைட் வெடிபொருளைக் கண்டுபிடித்தவருமான ஆல்ஃபிரட் நோபலின் உயிலைப் பின்பற்றி, கடந்த 1901-ஆம் ஆண்டுமுதல் நோபல் பரிசு வழங்கப்பட்டு வருகிறது. அதன்படி மருத்துவம், இயற்பியல், வேதியியல், இலக்கியம், அமைதி மற்றும் பொருளாதாரத்துக்கான நோபல் பரிசு ஆண்டுதோறும் அளிக்கப்படுகிறது.