பொன்மொழிகள்!

ஆடாமல், அசையாமல், சோதனைகளால் தடுமாறாமல் நிச்சலனமாக இருக்கும் பக்தி ஒன்றையே இறைவன் விரும்புகிறார்.

-ஸ்ரீ குருராகவேந்திரர்

யார் பூமியையும் அதில் உள்ள அனைத்தையும் உருவாக்கி இருக்கிறாரோ, மேலே உள்ள விண்ணுலகத்தைத் தாங்கி இருக்கிறாரோ, மூன்றடியால் மூன்று உலகங்களையும் அளந்தாரோ  அந்த விஷ்ணுவின் செயல் மகிமைமிக்கது.

-ரிக் வேதம்

நாம் எந்தவிதக் கைம்மாறும் கருதாமல் பிறருக்கு உதவி செய்ய வேண்டும். அந்த உதவி வீண் போகாது. அதன் பலன் பெரிய அளவில் நமக்கு மீண்டும் கிடைக்கும் என்பது உறுதியாகும்.

-ஒளவையார்

நீயேதான் எல்லாவற்றிற்கும் மூல காரணமான பரப்பிரம்மம்; நீயேதான் எல்லாவற்றிலும் பரவியுள்ள பரப்பிரம்மம்; நீயேதான் அழிவும் மாறுதல் அற்றதுமான அந்தப் பரப்பிரம்மம்.

-கைவல்ய உபநிஷதம்

தர்மகாரியங்களுக்காகச் செலவு செய்யாமல் தன்னுடைய சுகத்துக்காக சேமித்து வைப்பவன் முட்டாள். அவன் உயிருடன் இருந்தாலும் சிறைச்சாலையில் அடைக்கப்பட்டவனுக்குச் சமம்.

-அக்கினி புராணம்

ஆன்மிக விஷயங்களில் கணவனும் மனைவியும் கருத்து ஒருமித்து இருப்பார்களானால், அவர்களுக்கு ஆன்மிக முன்னேற்றம் மிகவும் எளிதில் ஏற்படும்.

அன்னை ஸ்ரீ சாரதாதேவியார்