வீரத் தலங்கள்

சிவபெருமான் தமது வீரத்தைக் காட்டிய இடங்கள் எட்டு. இதை சிவபுராணம் "அஷ்ட வீரத்தலங்கள்' என்று குறிப்பிடுகின்றது.
 திருக்கோவூலூர் - அந்தகாசுரனை அழித்த இடம்; திருக்கண்டியூர் - பிரம்மன் சிரசு அரிந்தது; திருக்கடவூர் - காலனை உதைத்தது; திருவதிகை - முப்புரம் எரித்தது; வழுவை - யானையின் தோலை உரித்தது; திருப்பறியலூர் - தச்சன் வேள்வியைத் தகர்த்தது; திருக்குறுக்கை - மன்மதனை எரித்தது; திருவிற்குடி - ஜலந்தராசுரனை அழித்தது.
 இந்த எட்டு புனிதத் தலங்களும் பக்தர்களின் குறைகளைத் தீர்க்கும் திருத்தலங்களாகவும், கர்ம வினைகளை நீக்கும் தலங்களாகவும், தீராத நோய் போக்கும் - தோஷங்களை விளக்கும் பரிகாரத் தலங்களாகவும் திகழ்கின்றன.
 இத்திருத்தலம் எட்டிலும் சிவபெருமான் இன்றும் கருணை மழை பொழிந்து வருகிறார். பக்தர்கள் இந்த எட்டு வீரத் தலங்களுக்கும் சென்று வந்தால் நன்மை கிடைக்கும்.