மேனி அழகை பாதுகாக்கும் அழகுக் குறிப்புகள்

• தினம் ஒரு தக்காளி சாப்பிட்டு வந்தால், மேனியின் நிறம் மேன்மைப்படும்; மேனி அழகு பெறும்.

• பூசணி விதையை அரைத்து முகத்திலும், மேனியிலும் பற்றுப்போட்டு, அப்பற்று உலர்ந்தபின் குளிர்ந்த நீரில் கழுவ, சரும நோய்கள் குணமாவதுடன், மேனியும் அழகு பெறும்.

• பொன்னாங்கன்னிக் கீரையை அடிக்கடி உணவில் சேர்த்துக்கொண்டால், மேனி அழகு பெறும்.

• சோறு வடிக்கும் கஞ்சியைத் தேவையான அளவு எடுத்து, அத்துடன் தேன் சிறிது கலந்து உடல் முழுவதும் தடவி, சிறிது உலர்ந்தபின் குளித்தால், மேனி அழகு மேன்மைப்படும்.

• கஸ்தூரி மஞ்சளுடன் சிறிது தயிர் கலந்து நன்கு உடலில் தடவி, அது உலர்ந்த பின் குளித்தால், மேனி அழகு பெறும்.

• பெண்களின் அழகான தோற்றத்திற்கு முக்கியமாகத் தேவைப்படுவது ஆரோக்கியமான உடல்தான். நரம்புகளின் பலத்தையும், தசைகளின் பலத்தையும் பாதுகாத்துப் பராமரிக்க ஒழுங்காக உடற்பயிற்சி செய்ய வேண்டும்.

• உங்களுடைய உடல் ஆரோக்கியமற்றதாக இருந்தால், நீங்கள் எவ்வளவுதான் விலை அதிகமான அல்லது அபூர்வமான களிம்புகளையும், க்ரீம்களையும் பயன்படுத்தினாலும் அதனால் எந்தப் பயனும் இல்லை.