எட்டு வை

ஒன்று சேர்ந்து வாழணும்

ஓங்கி உயர்ந்து நிற்கணும்

இரண்டு முறைசரி பார்க்கணும்

இறுதியாய் முடிவை எடுக்கணும்

-

மூன்று முறைநூல் கற்கணும்

முத்தான சொற்கள் பேசணும்

நான்கு நண்பர்கள் சேர்க்கணும்

நன்கு பழகிடல் செய்யணும்

ஐந்து புலன்கள் அடக்கணும்

ஐயம் தெரிந்து நடக்கணும்

ஆறு சுவைகளும் உணரணும்

ஆறுதல் கூறிட முந்தணும்

-

ஏழு வண்ணமய வாழ்க்கையை

எண்ணிய திட்டம் வடிக்கணும்

எட்டு வைத்தே நடக்கணும்

எட்டாக் கனியைப் பறிக்கணும்!