தெரியுமா?

தேர்தலில் வாக்களிக்காதவர்களுக்கு அபராதம் விதிக்கும் நடைமுறை 22 நாடுகளில் உள்ளது. அதில் ஆஸ்திரேலியாவும் ஒன்று. இங்கு சரியான காரணமின்றி வாக்கு அளிக்காமல் இருந்தால், 20 டாலர் அபராதம் விதிக்கப்படுகிறது. அதைக் கட்டத் தவறினால், அபராதம் அதிகரிக்கும்.

அமெரிக்காவில் அதிபர் தேர்தல் செவ்வாய்க்கிழமையும், கனடாவில் திங்கள்கிழமையும், இங்கிலாந்தில் வியாழக்கிழமையும் தேர்தல்கள் நடைபெறும்.

ஆப்பிரிக்காவையும் ஆசியாவையும் இணைக்கும் முக்கோண வடிவிலான பகுதியே சினாய். இது எகிப்தின் வடகிழக்கு மூலையாகும். சினாயின் வடக்கே மத்திய தரைக்கல் அமைந்துள்ளது. மேற்கே பாதிக்கும் மேற்பட்ட பகுதி சூயஸ் வளைகுடா. இதன் தொடர்ச்சியாக, தென்மேற்கிலும் தெற்கிலும் செங்கடல் அமைந்துள்ளது.

போர்ச்சுக்கல்லில் ஒக்ஃபைன் வனப் பகுதிகள் மிக அதிகம். இங்கு விளையும் பட்டை, கார்க் ஆகியன அதிக அளவில் ஏற்றுமதியாகிறது. உலக கார்க் ஏற்றுமதியில் பாதிக்கு மேல் போர்ச்சுக்கல் பங்களிப்பாகும்.

சுற்றுலாவும் தபால் தலைகளுமே லிச்டென்ஸ்டெயின் நாட்டின் முக்கிய வருவாய் ஆதாரங்களாகும்.

முன்னாள் டச்சு காலனியான சூரிநாமில் இருந்து குடியேறியவர்களே நெதர்லாந்து இந்தியர்கள். 1873-91 காலகட்டத்தில் உத்தரப் பிரதேசம், மேற்கு பீகார் பகுதிகளில் இருந்து கரும்புத் தோட்டங்களுக்கு தொழிலாளர்களாக இந்தியர்கள் கொண்டு செல்லப்பட்டனர். "இந்துஸ்தானி' என்று அழைக்கப்பட்ட இவர்கள், 1960-களில் நெதர்லாந்தில் குடியேறினார்.

கடல் மட்டத்தில் இருந்து முக்கிய நகரங்களின் உயரம் பின்வருமாறு: சென்னை- 6.7 மீ., கொல்கத்தா- 9.14 மீ., மும்பை- 14 மீ., விசாகப்பட்டினம்- 45 மீ., மதுரை- 134 மீ., கோயம்புத்தூர்- 427 மீ., பெங்களூரு- 920 மீ., உதகை- 2,240 மீ., எவரெஸ்ட் மலைச் சிகரம்- 8,849 மீ.

ஒரு லட்சத்து 73 ஆயிரத்து 266 சதுர கி.மீ. பரப்பளவு கொண்ட லடாக், இந்தியாவிலேயே மிகப் பெரிய மக்களவைத் தொகுதியாகும்.

மும்பைக்கும் தாணேவுக்கும் இடையே உள்ள 21 கி.மீ. நீளத்துக்கு சுரங்கப் பாதை அமைக்கப்பட இருக்கிறது. இதில், 7 கி.மீ. நீள பாதை கடல் பகுதியில் அமைகிறது. நாட்டில் கடலுக்கு அடியில் அமைய இருக்கும் முதல் சுரங்கப் பாதை இதுவேயாகும்.

மனிதர்கள் உயிரிழந்தவுடன் அவர்களது உறுப்புகள் உயிரோடு இருக்கும் கால நேரம்: கண்- 31 நிமிடங்கள், மூளை- 10 நிமிடங்கள், கால் - 4 மணி, இதயம்- 4 - 6 மணி, நுரையீரல்- 4-6 மணி, கல்லீரல்- 8-12 மணி, கணையம்- 24 முதல் 36 மணி, சிறுநீரகம்- 24 மணி.