கால இயந்திரத்தில் பயணித்து கடந்த காலத்துக்கும் எதிர்காலத்துக்கும் செல்வது போல, திரைப்படங்களிலும் கதைகளிலும் இருக்கின்றனவே? இது சாத்தியமா?

கேள்வி:கால இயந்திரத்தில் பயணித்து கடந்த காலத்துக்கும் எதிர்காலத்துக்கும் செல்வது போல, திரைப்படங்களிலும் கதைகளிலும் இருக்கின்றனவே? இது சாத்தியமா?

பதில்:உலகில் பல விஞ்ஞானிகள் இந்த வகை ஆராய்ச்சிகளை மேற்கொண்டு, கால இயந்திரத்தை உருவாக்க முயற்சித்து வருகின்றனர். ஆனால், இது சாத்தியமாகுமா என்று யாராலும் சொல்ல முடியவில்லை.

உங்களுக்குப் பத்து வயது என்றால் உங்களது 2-வது வயதுக்கு நீங்கள் கால இயந்திரம் மூலம் செல்வது என்பது சாத்தியமில்லையாம். ஏனெனில் கடந்த காலத்தை நீங்கள் முடித்துவிட்டுத்தான் வந்திருக்கிறீர்கள் அல்லவா? மீண்டும் அந்தக் காலத்துக்குச் செல்ல வேண்டும் என்றால் உங்கள் வயது 2-ஆக இருக்க வேண்டும். ஆனால், 10 வயது ஆன உங்களால் எப்படி 2-வது வயதுக்குச் செல்ல இயலும். நன்றாக யோசித்துப் பாருங்கள். இதுதான் சிக்கல்.

எதிர்காலத்துக்குச் செல்வதிலும் இதே போன்ற சிக்கல் இருக்கிறது. நீங்கள் உங்களது 10-வது வயதில் கால இயந்திரத்தில் பயணம் செய்து 2070-ஆம் ஆண்டுக்குச் செல்கிறீர்கள் என்று வைத்துக் கொள்ளுங்கள். அதிவேகமாகப் பயணித்தாலும் அதற்கு 5 ஆண்டுகள் ஆகுமாம். அப்படியே நீங்கள் 2070-ஆம் ஆண்டுக்குச் சென்றுவிட்டுத் திரும்பி வந்தால், உங்கள் நண்பர்களின் வயது ஏறத்தாழ 60 ஆகியிருக்குமாம். அதாவது அவர்கள் உங்களை விட மிகவும் வயதானவர்களாக ஆகியிருப்பார்கள்.

ஆகவே, திரைப்படங்களைப் பார்த்துவிட்டு கொஞ்ச நேரத்துக்கு ஆச்சரியப்பட்டு, சந்தோஷப்பட்டுக் கொள்ளுங்கள். அவ்வளவுதான்!