ஐந்து நாடுகளும் ஐந்து படிப்புகளும்!

உலகில் உள்ள நாடுகளில் 5 நாடுகளில் 5 படிப்புகள் சிறப்பு வாய்ந்ததாக கருதப்படுகின்றன. குறிப்பிட்ட சில நாடுகளில் குறிப்பிட்ட சில படிப்புகள் பிரசித்தி பெற்று திகழ்கின்றன.  இந்தியா போன்ற நாடுகளில் இருந்து வெளிநாடுகளுக்கு மாணவர்கள் கல்வி கற்க செல்கின்றனர்.  அதே போல வெளிநாட்டினரும் கல்வி கற்க இந்தியாவிற்கு வருகின்றனர்.   

இத்தகைய சூழ்நிலையில் முக்கிய 5 வெளி நாடுகளில் 5 முக்கிய படிப்புகள் முக்கியத்துவம் பெற்றுள்ளன.  போட்டோகிராஃபி படிப்புக்கு சிங்கப்பூர் முக்கியத்துவம் பெற்றுள்ளது.  போட்டோகிராஃபி படிக்க விரும்புகிறவர்கள் சிங்கப்பூர் செல்லலாம். 

ஜெர்மனியில் அர்பன் பிளானிங் (நகர்புற திட்டமிடல்) குறித்த படிப்பு சிறப்பு பெற்றுள்ளது.  அதாவது கட்டடக் கலை சம்பந்தமான படிப்புகள் இங்கு சிறந்த முறையில் கற்றுத் தருவதாக கூறப்படுகிறது. 

டான்ஸ் தெரஃபி அமெரிக்காவின் கலிபோர்னியாவில் பிரசித்தி பெற்றுள்ளது.   அமெரிக்காவில் டான்ஸ் தெரபி முக்கிய தொழிலாக வளர்ந்து வருகிறது. அதனால் அங்கு டான்ஸ் தெரஃபி சம்பந்தமான படிப்புக்கு மாணவர்கள் முக்கியத்துவம் அளித்து வருகின்றனர். 

ஃபோரன்சிக் சயன்ஸ் டெக்னிஷியன் (தடய அறிவியல்) குறித்த படிப்பு ஆஸ்திரேலியாவில் முக்கியத்துவம் பெற்றுள்ளது.   குற்ற சம்பவத்தில் ஈடுபட்டுள்ள குற்றவாளிகளைக் கண்டறிவதற்கு இத்துறை தொழில் நுட்பம் தெரிந்தவர்களுக்கு வேலை வாய்ப்பு கிடைக்கின்றது.  அதனால் ஆஸ்திரேலியாவில் இந்த படிப்பு சம்பந்தமான கல்லூரிகளில் மாணவர்கள் சேர்ந்து படிக்கின்றனர். 

நிதி சம்பந்தமான ஆலோசனை வழங்கும் பைனான்சியல் கன்சல்டன்ட் (நிதி ஆலோசகர்) ஆக வேண்டுமானால் இங்கிலாந்து நாட்டில் நடத்தப்படும் பைனான்சியல் கன்சல்டன்ட் படிப்பில் சேர்ந்து பயிலலாம். இந்தப் படிப்பு அங்கு பிரசித்தி பெற்றுள்ளது. நிதி மேலாண்மை சம்பந்தமான அனைத்து தகவல்களை விரல் நுனியில் வைத்திருக்க வேண்டியது நிதி ஆலோசகரின் முக்கிய பணியாகும்.  தன்னை நாடி ஆலோசனை பெற வருபவர்களுக்கு நிதி ஆலோசகர்கள் சரியான தீர்வை வழங்க வேண்டியது. அனைவருக்கும் நிதி என்பது முக்கியம். அதனால் நிதி மேலாண்மை என்பது அனைவருக்கும் தேவைப்படும் ஒன்றாக உள்ளது.  அதனால் நிதி ஆலோசகராக வேண்டுமானால் இங்கிலாந்தில் நடத்தப்படும் நிதி ஆலோசகருக்கான படிப்பில் சேர்ந்து படிக்கலாம். 

இவ்வாறு 5 நாடுகளில் இத்தகைய 5 படிப்புகள் முக்கியத்துவம் பெற்றுள்ளன. இதில் எந்த படிப்பு விருப்பமானதோ அதை அந்த நாட்டில் சென்று படிக்கலாம்.