வந்தாச்சு விடியோ "ரெஸியூம்'!

வேலை தேடும் இளைஞர்களுக்கு அடையாள அட்டையாக விளங்குவது சுயவிவரக் குறிப்பு எனப்படும் "ரெஸியூம்'. சுயவிவரக் குறிப்பை தயார் செய்வதைப் பொறுத்து ஒருவரின் திறமையை மதிப்பிட முடியும்.

÷வேலை கிடைப்பதைவிட சுயவிவரக் குறிப்பை கச்சிதமாக தயார் செய்வது கடினமான ஒன்று. இதற்கு பல்வேறு சுயவிவரக் குறிப்புகளை ஒப்பிட்டு, தங்கள் விவரங்களை தயாரிப்பவர்களும் உண்டு.

 இது ஒரு புறமிருக்க சுய விவரக்குறிப்பை தயாரிக்கும்போது தங்களைக் குறித்த விவரங்களை ஒன்றன்பின் ஒன்றாகக் கூறி, பின் சான்றிதழ்களை வரிசைப்படுத்துவதற்குள், "அப்பாடா' என்று ஆகிவிடும்.

 விடியோ ரெஸியூம்... இந்த சுமையைக் குறைப்பதற்கு சென்னையைச் சேர்ந்த சி2சி மேலாண்மை சேவை நிறுவனம், நாட்டிலேயே முதன்முறையாக விடியோ மூலம் சுயவிவரக் குறிப்பைத் தயாரித்து அனுப்பும் வசதியை அறிமுகம் செய்துள்ளது.

 இணையதளத்தில்... வேலை தேடும் இளைஞர்கள் www.videoresume.com என்ற இணையதளத்துக்குச் சென்று, அதில் கூறப்பட்டுள்ள எளிய வழிமுறைகளைப் பின்பற்றி தங்களுக்கான விடியோ சுயவிவரக் குறிப்பைத் தயார் செய்து கொள்ளலாம். இதை சேமித்து வைப்பதற்கான மதக முகவரியையும், அந்நிறுவனமே கொடுத்துவிடுகிறது.

 எப்படி?... இதன் மூலம் இளைஞர்கள் தங்களின் திறமை, தனித்துவம், பணி அனுபவம், தொடர்பு கொள்ளும் திறன் உள்ளிட்டவற்றை தாங்களாகவே திரையில் தோன்றி தெரிவிக்கலாம். இதற்கு இணையதள இணைப்பு, "வெப்-கேமிரா' வசதியுடன் கூடிய ஒரு கம்ப்யூட்டர் இருந்தால் மட்டுமே போதும்.

 நேர்காணலுக்குச் செல்லும்போது, அதை எடுத்துக் கொண்டோமா? இதை விட்டுவிட்டோமா? என்று பதட்டப்படாமல் செல்லலாம். நேர்காணலில் தங்களுக்கென்று கொடுக்கப்படும் மதக  முகவரியை தெரிவித்தால் போதும். நேர்காணல் நடத்தும் அதிகாரிகள் அதைப் பயன்படுத்தி உங்களைப் பற்றி தெரிந்து கொள்வார்கள்.

பிறகென்ன? இனி காகித சுயவிவரக் குறிப்பை விட்டுத் தள்ளுங்கள். விடியோ சுயவிவரக் குறிப்பை பயன்படுத்தி உங்கள் போட்டியாளர்களை அட்டகாசமாக அசத்திக் காட்டுங்கள்!