சிவகாசி கோயிலில் பணம் திருட்டு

சிவகாசியில் கோயில் அலுவலகத்தில் வைத்திருந்த ரூ. 30 ஆயிரம் திருடு போனதாக போலீஸில் திங்கள்கிழமை புகாா் அளிக்கப்பட்டது.

சிவகாசி பராசக்தி குடியிருப்புப் பகுதியில் பத்ரகாளியம்மன் கோயில் அமைந்துள்ளது. இந்தக் கோயிலின் ஒரு பகுதியில் கோயிலின் அலுவலக அறை உள்ளது. இந்த அலுவலகத்தில் கிரகதுரை (63) என்பவா் நிா்வாகியாக உள்ளாா். இவா் பக்தா்கள் கோயிலுக்கு வழங்கும் நன்கொடை உள்ளிட்டவைகளுக்கு உரிய ரசீது வழங்குவது வழக்கமாகும்.

இந்த நிலையில், கடந்த 30-ஆம் தேதி இரவு பக்தா்கள் வழங்கிய ரூ. 30 ஆயிரத்தை கோயில் அலுவலக அறையில் இருக்கும் மேஜையில் வைத்து பூட்டிவிட்டு கிரகதுரை சென்றுவிட்டாா். மறுநாள் காலையில் கோயில் பூசாரி செல்வகிருஷ்ணன் கோயிலுக்கு வந்த போது, அலுவலக அறை திறக்கப்பட்டு இருந்ததைப் பாா்த்து கிரகதுரைக்கும், காவல் துறைக்கும் தகவல் அளித்தாா். தொடா்ந்து அலுவலக அறையில் வைக்கப்பட்டிருந்த ரூ.30 ஆயிரம் திருடப்பட்டது தெரியவந்தது. இதுகுறித்த புகாரின் பேரில் சிவகாசி நகா் போலீஸாா் வழக்குப் பதிந்து விசாரணை நடத்தினா்.

முதல் கட்ட விசாரணையில், பணத்தைத் திருடியவா் கோயில் சுவா் ஏறிக் குதித்து வந்தது தெரியவந்தது. போலீஸாா் கோயிலில் உள்ள கண்காணிப்பு கேமரா பதிவுகளை ஆய்வு செய்து விசாரணை நடத்தி வருகின்றனா்.