நம்மாழ்வார் பெரிய திருவந்தாதி - பாடல் 79

உள்நாட்டுத் தேசுஅன்றே! ஊழ்வினையை அஞ்சுமே,
விண்நாட்டை ஒன்றாக மெச்சுமே, மண்நாட்டில்
ஆர்ஆகி எவ்இழிவுஇற்றுஆனாலும், ஆழிஅம்கைப்
பேராயர்க்குஆளாம் பிறப்பு.

இந்த மண்ணுலகத்திலே யாராகப் பிறந்து எத்தகைய இழிவான தொழில்களைச் செய்தாலும் சரி, அழகிய கைகளில் சக்ராயுதத்தைக்கொண்டிருக்கும் பேராயனான எம்பெருமானுக்கு அடிமையாகப் பிறந்திருக்கும் இந்தப் பிறப்பு, பரமபதத்துக்கு இணையான சிறப்பல்லவா! அப்படிப் பிறந்தவர்கள் ஊழ்வினையை எண்ணி அஞ்சுவார்களா? சுவர்க்கத்தை ஒரு பொருட்டாக எண்ணுவார்களா? (மாட்டார்கள்).