தொகுதிப் பங்கீடு: கனிமொழி - கிரிஷ் சோடங்கர் சந்திப்பு!தமிழ்நாட்டின் மொத்த வாக்காளர்கள் 5.67 கோடிஇபிஎஸ் உறக்கத்தை கெடுத்த திமுகவின் சர்ஜிகல் ஸ்ட்ரைக்! முதல்வர் ஸ்டாலின்படிவம்-6 மூலம் 27.5 லட்சம் வாக்காளர்கள் சேர்ப்பு!தமிழ்நாட்டில் 74,07,207 வாக்காளர்கள் நீக்கம்!வாக்காளர் இறுதிப்பட்டியல் வெளியீடு: தமிழகத்தில் 5.67 கோடி வாக்காளர்கள்!கரூர் விஷயத்தில் என் மீது ஏன் பழி போட்டீர்கள்? - முதல்வருக்கு விஜய் கேள்விவிஜய் கொடுத்த வாக்குறுதி; எனக்கும் ஸ்டாலினுக்கும் நடக்கிற போர் இது! - விஜய் பேச்சு தனிச்சின்னத்தில் போட்டி: தொகுதிப் பங்கீடு பேச்சுவார்த்தைக்குப் பிறகு மதிமுக அறிவிப்பு சென்னை புறநகர் ரயில்கள் ரத்து! ரயில் நிலையங்களில் அசாதாரண சூழல்! வாக்காளர் இறுதிப் பட்டியல்! சென்னையில் 28.30 லட்சம் பேர்!
/

மிச்சத்தை மீட்போம்: நெருப்பலைப் பாவலர் இராம இளங்கோவன்

News image
Updated On :6 ஆகஸ்ட் 2025, 12:26 pm

கவிதைமணி

விண்ணகத்தின் முதன்மையாக விளங்கு  கின்ற 
விரிகதிரோன் பகலவனாய் வைய மெங்கும் 
மண்ணுலகின் முதன்மையாக திகழு கின்ற 
மாத்தமிழ்த்தாய்  இனமான நாமு(ம்) அன்று 
பெண்ணழகாய் உலகெங்கும் ஆண்டு  வந்தோம்;
புகழுச்சித் தனில்சிறந்து ஓங்கி நின்றோம்; 
வண்டமிழத் தமிழர்நாம் எஞ்சி யுள்ள 
மானத்தை மிச்சமின்றி மீட்போம் வாரீர்! 

அச்சத்தை ஏற்றதாலே  தமிழர் நாமும் 
அடிமாடாய் ஆனதாலே உலக மெங்கும் 
பிச்சைகளாய்த் திரிவதுவோ?  களமுங் கண்ட 
பைந்தமிழர் தோள்வலிமை என்னா யிற்று ?
இச்சைக்கு அடிபணிந்து இழந்து வாடும் 
இழிநிலையும் எவ்வாறு வந்த தென்று 
இச்சமயம் எண்ணியேநாம் மிச்ச முள்ள 
எம்மினத்தை  மீட்டெடுக்க இணைவோம் வாரீர்! 

தந்நலத்தில் தரந்தாழ்ந்து தொலைத்து விட்டத்
தமிழ்மரபு வீரதீரம் தமிழ்ப்பண் பாடு 
செந்தமிழர் திருவிழாக்கள் அடையா ளங்கள் 
சீரார்ந்த தமிழ்க்கல்வி பொதுமை நோக்கு 
எந்நாளும் போற்றிவந்த வள்ளல் பண்பு 
ஏற்றமிகு சீர்கலைகள் இலக்கி யங்கள் 
முந்தியுள்ள அத்துணையும் இழந்து விட்டோம்; 
மிச்சத்தை இனியேனும் மீட்போம் வாரீர்!

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.