வழி தவறிய பயணங்கள்:  H ஹாஜா மொஹினுதீன்

இயற்கைகளை மறுக்கின்றோம் !
இன்னல்களை புரிகின்றோம் !
இதிகாசம் படைப்பதாக ;
இறுமாப்பில் அலைகின்றோம் !

நடக்கும் அரசியலில் -
நாகரிகம் இல்லாது ; 
வசதிகளை  பெருக்கியே -
வாழ்க்கையும் மாற்றலாம் ! 

கருப்பு பணம் அத்தனையும் ;
கட்டுக்கட்டா பதுக்கிருந்தும் ;
பகலெல்லாம் இரவு ஆச்சி !
பாதை கூட மாறி போச்சி !

பாதையே மாறினாலும் -  
பகுத்தறிவும்  வேலை செய்ய ; 
பதுக்கி வைத்த பணம்கூட - 
பதறத்தான் செய்கிறது ! 

சேர்த்து வைத்த நோட்டு கூட -
செல்லாமல் போனதே !
அடுக்கி வைத்த ஆயிரமும் -
அல்லோல படுக்குதே !

பயண திட்டம் அத்தனையும் -
பாழாகி போனதே ! 
வழி தவறி வந்த பணமும் -
வாழ்க்கையை மாற்றுதே !