உயிரினங்களை வாழவைக்கும்: தஞ்சை ரீகன்

வேலி தாண்டிய காற்று பலரை 
வேதனையில் ஆழ்த்தியது வீழ்த்தியது !

தென்றல் புயல் இரண்டும் காற்றுதான் 
தென்றல் இதம் தரும் நன்மை தரும் !

புயல் மழை தரும் தீமையும் தரும் 
புயல் புரட்டிப் போடும் வாழ்க்கையை !

காற்றின் சினம்தான் கொடிய புயல் 
கட்டுப்பாடு இன்றி வீசினால் வினை !

காற்றுக்கு என்ன வேலி என்று அன்றே 
கவிஞர்கள் பாடல் பாடி வைத்தனர் !

கோபம் மனிதனுக்கு வந்தாலும் தீமை 
கோபம் காற்றுக்கு வந்தாலும் தீமை !

வேண்டாம் என்றும் சினம் என்று 
வள்ளுவர் அன்றே எழுதி வைத்தார் !

மனிதன் கோபத்தை அடக்க முடியும் 
மனிதன் அடக்குவதில்லை கோபம் !

காற்றின் கோபத்தை அடக்கிட 
காற்றைத் தவிர மற்றவரால் முடியாது !

நல்லவன் ஆவதும் தீயவன் ஆவதும் 
நம் கையில் என்பதை உணர்ந்திடுக !

நல்ல தென்றலாகி இதமும் நன்மையும் தருவதும் 
கொடிய புயலாகி தீமை தருவதும் காற்றின் கையில்