குலக்கொழுந்து

சொத்துக்களுக்குச் சொந்தமான குழந்தையொன்றைச் சுற்றிச் சுழலும் கதை. எழுதி இருப்பவர் கலைஞர். அங்கங்கே கருத்தைக் கலந்து, உயிரோட்டமுள்ள உரையாடல்களை உருவாக்கி இருக்கிறார்.

கெட்டவர்களைத் தண்டிக்கப் போராடும் ஜெய்சங்கர், ஸ்ரீப்ரியா ஜோடி ஆரம்பத்தில் மோதல், அப்புறம் காதல்…

செளகார் ஜானகிக்கு இரட்டை வேடம். நல்ல தாயாகவும், கொடுமைக்காரியாகவும் தோன்றுகிறார்.

ராமண்ணா படத்தில் அசோகன் காமெடி பண்ணினால் அமர்க்களமும், அட்டகாசமும் தான்!

செந்தாமரை, படுத்த படுக்கை…வெண்ணிற ஆடை மூர்த்தி பெண் வேடம் பூண்டு ஆடுவது சிரிப்பூட்டுகிறது.

எம்.எஸ்.விசுவநாதனின் இசை அமைப்பும், அமிர்தத்தின் ஒளிப்பதிவும் டைரக்டர் ராமண்ணாவுக்கு உதவி இருக்கின்றன.

நல்ல பொழுது போக்கு மசாலா.

-மூர்த்தி