செய்தி மடல்
இ-பேப்பர்
/
புதுதில்லி: வேதாந்தா குழுமத்திலிருந்து புதிதாகப் பிரிக்கப்பட்ட நான்கு புதிய நிறுவனங்களான வேதாந்தா அலுமினியம் மெட்டல் லிமிடெட், வேதாந்தா பவர் லிமிடெட், வேதாந்தா ஆயில் அண்ட் கேஸ் லிமிடெட் மற்றும் வேதாந்தா அயர்ன் & ஸ்டீல் லிமிடெட் ஆகிய நிறுவனங்களாக பங்குச் சந்தையில் இன்று பட்டியலிடப்பட்டது.
வேதாந்தா அலுமினியம் மெட்டல் நிறுவனத்தின் பங்குகள் ரூ. 527 க்கு வர்த்தகத்தைத் தொடங்ய நிலையில், பிறகான வர்த்தகத்தில் அதன் தொடக்க விலையிலிருந்து 5 சதவீதம் சரிந்து, மும்பை பங்குச் சந்தையில் ரூ. 500.65 என்ற குறைந்தபட்ச வரம்பு நிலையை எட்டியது.
வேதாந்தா பவர் நிறுவனம் ரூ. 41.30-க்கு பட்டியலிடப்பட்டு, வர்த்தக முடிவில் 0.84 சதவீதம் சரிந்து ரூ. 40.95 ஆக நிலைபெற்றது. வர்த்தகத்தின் இடையே இந்த பங்கு 4.96 சதவீதம் உயர்ந்து ரூ. 43.35 ஐ எட்டியது.
வேதாந்தா ஆயில் அண்ட் கேஸ் பங்குகள் ரூ. 39 க்கு வர்த்தகத்தைத் தொடங்கிய நிலையில், அதன் தொடக்க விலையிலிருந்து 5 சதவீதம் சரிந்து ரூ. 37.05 என்ற குறைந்தபட்ச வரம்பை எட்டியது.
வேதாந்தா அயர்ன் & ஸ்டீல் பங்குகள் ரூ. 22.25 க்கு பட்டியலிடப்பட்டு, பிறகான வர்த்தகத்தில் 5.39 சதவீதம் சரிந்து ரூ. 21.05 ஆக வர்த்தகம் நிறைவடைந்தது.
இந்த நிலையில், இந்த 4 பங்குகளும் நிஃப்டியிலும் பட்டியலிடப்பட்டன.
நிஃப்டி-யில் வேதாந்தா அலுமினியம் மெட்டல் ரூ. 522 க்கும், வேதாந்தா பவர் ரூ. 41.80 க்கும், வேதாந்தா ஆயில் அண்ட் கேஸ் ரூ. 38 க்கும், வேதாந்தா அயர்ன் & ஸ்டீல் ரூ. 20 க்கும் வர்த்தகத்தைத் தொடங்கின.
வர்த்தக முடிவில், வேதாந்தா அலுமினியம் மெட்டல் 5 சதவீதம் சரிந்து ரூ. 495.90 ஆகவும், வேதாந்தா பவர் 2 சதவீதம் சரிந்து ரூ. 40.94 ஆகவும், வேதாந்தா ஆயில் அண்ட் கேஸ் 5 சதவீதம் சரிந்து ரூ. 36.10 ஆகவும் மற்றும் வேதாந்தா அயர்ன் & ஸ்டீல் நிறுவனத்தின் பங்கு 5.3 சதவீதம் உயர்ந்து ரூ. 21.06 ஆக நிறைவடைந்தன.
மும்பை பங்குச் சந்தையில், வேதாந்தா அலுமினியம் மெட்டல் நிறுவனத்தின் சந்தை மதிப்பு ரூ. 1,95,773.58 கோடியாகவும், வேதாந்தா பவர் நிறுவனத்தின் சந்தை மதிப்பு ரூ. 16,013.04 கோடியாகவும், வேதாந்தா ஆயில் அண்ட் கேஸ் நிறுவனத்தின் சந்தை மதிப்பு ரூ. 14,487.99 கோடியாகவும், வேதாந்தா அயர்ன் & ஸ்டீல் நிறுவனத்தின் சந்தை மதிப்பு ரூ. 8,231.37 கோடியாக பதிவானது.
புதிதாகப் பட்டியலிடப்பட்ட இந்த நிறுவனங்களுடன் இணைந்து, தாய் நிறுவனமான வேதாந்தா லிமிடெட், குழுமத்தின் முதன்மைப் பட்டியலிடப்பட்ட நிறுவனமாகத் தொடர்ந்து செயல்படும்.
Summary
Vedanta group 4 demerged firms debut on stock exchanges.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
