தங்கம் விலை இன்றும் உயர்வு! எவ்வளவு?

சென்னை: சென்னையில் ஆபரணத் தங்கத்தின் விலை வியாழக்கிழமை காலை சவரனுக்கு ரூ. 320 அதிகரித்துள்ளது.

கடந்த வாரம் தங்கத்தின் விலை சவரனுக்கு ரூ. 2,000 வரை குறைந்த நிலையில், இந்த வாரம் திங்கள்கிழமை ஒரு சவரனுக்கு ரூ. ரூ.120 குறைந்து ரூ.71,320-க்கு விற்பனையானது.

இதையடுத்து, செவ்வாய்க்கிழமை முதல் மீண்டும் தங்கத்தின் விலை உயரத் தொடங்கியுள்ளது. செவ்வாய்க்கிழமை சவரனுக்கு ரூ.105 மற்றும் புதன்கிழமை சவரனுக்கு ரூ. 360 உயர்ந்து ரூ. 72,520 -க்கு விற்பனை செய்யப்பட்டது.

இந்த நிலையில், தொடர்ந்து மூன்றாவது நாளாக இன்றும் சவரனுக்கு ரூ. 320-ம், கிராமுக்கு ரூ. 40-ம் தங்கத்தின் விலை அதிகரித்துள்ளது.

வியாழக்கிழமை காலை நிலவரப்படி ஒரு கிராம் ஆபரணத் தங்கத்தின் விலை ரூ. 9,105 -க்கும் ஒரு சவரன் ரூ. 72,840 -க்கும் விற்பனை செய்யப்படுகிறது.

வெள்ளியின் விலையும் கிராமுக்கு ஒரு ரூபாய் வியாழக்கிழமை அதிகரித்துள்ளது. தற்போது ஒரு கிராம் வெள்ளி ரூ. 121 -க்கும் ஒரு கிலோ கட்டி வெள்ளி ரூ. 1,21,000 -க்கும் விற்பனை செய்யப்படுகிறது.