சொந்த ஊர் செல்பவர்களுக்காக... தீபாவளி சிறப்பு ரயில்கள் இயக்கம்! நாளை முன்பதிவு!

தீபாவளியை முன்னிட்டு இடையே சென்னை சென்ட்ரல் - போத்தனூர், தாம்பரம் - நாகர்கோவில் இடையே சிறப்பு ரயில்கள் இயக்கப்படவுள்ளதாக தெற்கு ரயில்வே தெரிவித்துள்ளது.

சென்னை - போத்தனூர் சிறப்பு ரயில்

சென்னையில் இருந்து நவம்பர் 6 ஆம் தேதி இரவு 11.55 மணிக்குப் புறப்படும் சென்னை - போத்தனூர் சிறப்பு ரயில் பெரம்பூர், திருவள்ளூர், அரக்கோணம், காட்பாடி, ஜோலார்பேட்டை, சேலம், ஈரோடு, திருப்பூர் உள்ளிட்ட நிலையங்களில் நின்று செல்லும் எனத் தெரிவிக்கப்பட்டுள்ளது.

எதிர்வழித்தடத்தில் போத்தனூரில் இருந்து நவம்பர் 9-ஆம் தேதி இரவு 11.30 மணிக்குப் புறப்படும் போத்தனூர் - சென்னை சிறப்பு ரயில் மறுநாள் காலை 9.35 மணிக்கு சென்னை சென்ட்ரல் நிலையத்தை வந்தடையும்.

தாம்பரம் - நாகர்கோவில் சிறப்பு ரயில்

தாம்பரத்தில் இருந்து நவம்பர் 6 ஆம் தேதி இரவு 11.55 மணிக்கு புறப்படும் இந்த சிறப்பு ரயில் விழுப்புரம், சிதம்பரம், அரியலூா், மயிலாடுதுறை, கும்பகோணம், தஞ்சாவூர், திருச்சி, திண்டுக்கல், மதுரை, விருதுநகர், சாத்தூர், கோவில்பட்டி, திருநெல்வேலி, வள்ளியூர் வழியாக நாகர்கோவிலை சென்றடையும்.

எதிர்வழித்தடத்தில் நாகர்கோவிலில் இருந்து நவம்பர் 9 ஆம் தேதி இரவு 9 மணிக்கு புறப்படும் இந்த ரயில் மறுநாள் காலை 11.30 மணிக்கு தாம்பரம் வந்தடையும்.

தீபாவளி சிறப்பு ரயில்களுக்கான முன்பதிவு நாளை (அக். 29) காலை 8 மணிக்கு தொடங்கும் என்று தெரிவிக்கப்பட்டுள்ளது.