ராணிப்பேட்டை: காணாமல் போன ஒரு வயது பெண் குழந்தை! போலீசார் தீவிர விசாரணை

ராணிப்பேட்டை அருகே கடந்த செப். 24 -ஆம் தேதி காணாமல் போன ஒரு வயது பெண் குழந்தையை தேடும் பணியில் 6 தனிப்படை போலீசாா் தீவிரமாக ஈடுபட்டு வருவதாக தெரிவிக்கப்பட்டுள்ளது.

ராணிப்பேட்டை அடுத்த லாலாபேட்டை பிள்ளையாா் கோவில் தெருவைச் சோ்ந்த தம்பதி சேகா் (46), பிரேமா (23). பிளாஸ்டிக் பாட்டில் சேகரித்து விற்று சாலை ஓரம் வசித்து வரும் இவா்களின் ஒரு வயது பெண் குழந்தை மகேஸ்வரி கடந்த 24.09.2026 அன்று இரவு தூங்கிக் கொண்டிருந்தபோது காணாமல் போய்விட்டாா்.

அதிா்ச்சியடைந்த பெற்றோா், சிப்காட் காவல் நிலையத்தில் புகாா் அளித்தனா்.அதன் பேரில் போலீஸாா் வழக்குப் பதிவு செய்து விசாரணை மேற்கொண்டு வருகின்றனா்.

மேலும் குழந்தையைக் கண்டுபிடிக்க எஸ்.பி பே.சிபின் தலைமையில் 6 தனிப்படைகள் அமைக்கப்பட்டு பல்வேறு இடங்களில் விசாரணை மேற்கொண்டு தீவிரமாக தேடி வருகின்றனா்.

பெண் குழந்தை மாயமாகி ஒரு மாதம் ஆகியும் இதுவரை கண்டுபிடிக்கப்படாததால் பெற்றோா் மற்றும் அப்பகுதி மக்கள் கவலை அடைந்துள்ளனா். குழந்தையை விரைந்து மீட்க காவல் துறையினா் தீவிர நடவடிக்கை எடுக்க வேண்டும் என கோரியுள்ளனா்.