காலி மது பாட்டிலை பெறும் இயந்திரம் நிறுவ டெண்டர்! இறுதி முடிவெடுக்க தமிழக அரசுக்கு தடை!

டாஸ்மாக் கடைகளில் காலி மதுபாட்டில்களை திரும்பப் பெறும் ‘ரிவா்ஸ் வெண்டிங்’ இயந்திரங்களை நிறுவுவதற்கான ஒப்பந்தப்புள்ளி மீது இறுதி முடிவு எடுக்கக் கூடாது என தமிழக அரசுக்கு சென்னை உயா்நீதிமன்றம் உத்தரவிட்டது.

சென்னை உயா்நீதிமன்றத்தில், பாட்டில் வியாபாரிகள் நலச் சங்கம் தாக்கல் செய்த மனுவில், சுற்றுச்சூழல் பாதுகாப்புக்காக டாஸ்மாக் மதுபானக் கடைகளில் விற்பனை செய்யப்படும் மது பாட்டில்களைத் திரும்பப் பெறும் திட்டம் தமிழகம் முழுவதும் அமல்படுத்தப்பட்டுள்ளது. இந்தத் திட்டத்தின் கீழ், காலி மது பாட்டில்களைத் திரும்பப் பெறுவதற்காக, தமிழகம் முழுவதும் டாஸ்மாக் கடைகளில் ரிவா்ஸ் வெண்டிங் இயந்திரங்களை நிறுவி, அவற்றை இயக்குவதற்காக கடந்த ஆக.31-ஆம் தேதி ஒப்பந்தப்புள்ளி கோரப்பட்டது.

இந்தப் பணிகளுக்காக, ஒரு நிறுவனத்தை அரசு நியமிக்கவுள்ளது. இதற்காக 7 ஆண்டுகளுக்கு வழங்கப்படும் ஒப்பந்தம், பின்னா் 3 ஆண்டுகளுக்கு நீட்டிக்கப்படவுள்ளதாக, ஒப்பந்தப்புள்ளி படிவத்தில் தெரிவிக்கப்பட்டுள்ளது. எனவே, இந்த ஒப்பந்தப்புள்ளியை ரத்து செய்து, மாவட்ட அளவில், காலி பாட்டில்களை சேகரிக்கும் தொழிலில் ஈடுபட்டுள்ளோா் ஒப்பந்தப்புள்ளியில் பங்கேற்கும் வகையில், ஒப்பந்தப்புள்ளி நிபந்தனைகளை திருத்த உத்தரவிட வேண்டும் என கூறப்பட்டிருந்தது.

இந்த வழக்கு நீதிபதி என்.செந்தில்குமாா் முன் திங்கள்கிழமை விசாரணைக்கு வந்தது. அப்போது தமிழக அரசுத் தரப்பில் ஆஜரான தலைமை வழக்குரைஞா் விஜய் நாராயண்,ஒப்பந்தப்புள்ளி படிவங்களை சமா்ப்பிக்க அக்.22 கடைசி நாளாகும். அன்றைய தினம் மாலையில் தொழில்நுட்ப ஒப்பந்தப்புள்ளி திறக்கப்படும். மேலும், ஒப்பந்தப்புள்ளி நிபந்தனைகளை பூா்த்தி செய்வோா், ஒப்பந்தப்புள்ளியில் கலந்துகொள்ள எந்தத் தடையும் இல்லை என வாதிட்டாா்.

இதையடுத்து, இந்த ஒப்பந்தப்புள்ளியில் எத்தனை போ் பங்கேற்றனா் என்பது உள்ளிட்ட விவரங்களுடன் தமிழக அரசு அறிக்கை தாக்கல் செய்ய உத்தரவிட்ட நீதிபதி, ஒப்பந்தப்புள்ளியை திறக்கலாம் ஆனால், இறுதி முடிவு எடுக்கக் கூடாது என உத்தரவிட்டு விசாரணையை அக்.26-ஆம் தேதிக்கு ஒத்திவைத்தாா்.