பெரம்பூா் எம்எல்ஏ அலுவலகத்தில் முதல்வா் விஜய் திடீா் ஆய்வு! மக்களிடம் மனுக்களைப் பெற்றார்!

பெரம்பூா் தொகுதியில் உள்ள தனது எம்எல்ஏ அலுவலகத்தில் முதல்வா் ஜோசப் விஜய் புதன்கிழமை திடீா் ஆய்வு மேற்கொண்டாா். அப்போது அந்தத் தொகுதி மக்களிடம் கோரிக்கை மனுக்களைப் பெற்றாா்.

சென்னை மாதாவரத்தில் ரூ.2.23 கோடியில் கட்டப்பட்டுள்ள ஆவின் மாநில மத்திய ஆய்வகத்தின் துணைக் கட்டடத்தை முதல்வா் விஜய் திறந்து வைத்தாா்.

இதைத் தொடா்ந்து, கடந்த ஜூலை 13-ஆம் தேதி திறந்து வைக்கப்பட்ட தனது பெரம்பூா் சட்டப்பேரவைத் தொகுதி எம்எல்ஏ அலுவலகத்துக்கு நேரில் சென்று ஆய்வு மேற்கொண்டாா்.

அப்போது, பொதுமக்களிடம் குறைகளைக் கேட்டறிந்து புகாா் மனுக்களைப் பெற்றாா். மேலும், பெரம்பூா் சட்டப்பேரவை அலுவலக வளாகத்தில் உள்ள இ-சேவை மையத்தில் வருமான சான்றிதழ் கோரி விண்ணப்பித்த பயனாளிகளுக்கு வருமானச் சான்றிதழ்களை அவா் வழங்கினாா். ஆய்வின்போது, சென்னை மாநகராட்சி ஆணையா் சமீரன், அரசு உயா் அலுவலா்கள் உடனிருந்தனா்.