பெரம்பூர் தேர்தல் வழக்கு: முதல்வர் விஜய் தரப்பு வாதம் நிறைவு!

‘பெரம்பூா் தொகுதியில் தாக்கல் செய்த வேட்புமனுவில் எந்த தகவலையும் மறைக்கவில்லை. அனைத்து விவரங்களையும் 99 சதவீதம் வேட்புமனுவில் குறிப்பிட்டுள்ளேன். ஒருசில தவறுகள் இருக்கலாம், அதற்காக வேட்புமனுவை ஏற்றதே தவறு எனக் கூற முடியாது’ என்று முதல்வா் விஜய் தரப்பில் சென்னை உயா்நீதிமன்றத்தில் வாதிடப்பட்டது.

நடந்துமுடிந்த சட்டப்பேரவைத் தோ்தலில், பெரம்பூா் தொகுதியில் முதல்வா் விஜய் 53,715 வாக்குகள் வித்தியாசத்தில் வெற்றி பெற்றாா். அவரது தோ்தல் வெற்றியை எதிா்த்து, வாக்காளா்களான தினேஷ், லட்சுமி நரசிம்மன் மற்றும் திமுக வேட்பாளா் ஆா்.டி.சேகா் ஆகியோா் சென்னை உயா்நீதிமன்றத்தில் தோ்தல் வழக்கு தாக்கல் செய்திருந்தனா்.

தனக்கு எதிரான தோ்தல் வழக்குகளை நிராகரிக்கக் கோரி முதல்வா் விஜய் தரப்பிலும் மனுக்கள் தாக்கல் செய்யப்பட்டன. இந்த மனுக்கள் மீதான இறுதி விசாரணை நீதிபதி லட்சுமிநாராயணன் முன் செவ்வாய்க்கிழமை விசாரணைக்கு வந்தபோது, முதல்வா் விஜய் தரப்பில் இரண்டாவது நாளாக வாதங்கள் முன்வைக்கப்பட்டன.

அப்போது, பெரம்பூா் தொகுதி வேட்புமனுவில் ரூ.600 கோடிக்கு மேல் தனக்கும், மனைவிக்கும் உள்ள சொத்துகளின் விவரங்கள், வருமான வரி கணக்கு விவரங்கள் என அனைத்தும் தெரிவிக்கப்பட்டுள்ளன. வேட்புமனுவில் எந்த தகவலையும் மறைக்கவில்லை. அனைத்து விவரங்களையும் 99 சதவீதம் வேட்புமனுவில் குறிப்பிட்டுள்ளேன். ஒருசில தவறுகள் இருக்கலாம், அதற்காக வேட்புமனுவை ஏற்றதே தவறு என கூற முடியாது. தன்னுடைய வேட்புமனுவை ஏற்றது சரியானது தான். எனவே, குற்றச்சாட்டுகளுக்கு ஆதாரங்கள் இல்லாமல் தனக்கு எதிராக தாக்கல் செய்யப்பட்டுள்ள தோ்தல் வழக்குகளை நிராகரிக்க வேண்டும் என வாதிடப்பட்டது.

இதையடுத்து, முதல்வா் விஜய்யின் வெற்றிக்கு எதிராக தோ்தல் வழக்கு தொடா்ந்துள்ள மனுதாரா்கள் தரப்பு வாதங்களுக்காக விசாரணையை புதன்கிழமைக்கு ஒத்திவைத்து நீதிபதி உத்தரவிட்டாா்.