ரஜினி, தனுஷ் வீட்டிற்கு வெடிகுண்டு மிரட்டல்!

சென்னையில் நடிகர்கள் ரஜினிகாந்த், தனுஷ் ஆகியோரின் வீட்டிற்கு வெடிகுண்டு மிரட்டல் வந்துள்ளதால் பரபரப்பு ஏற்பட்டுள்ளது.

சென்னை போயஸ் கார்டனில் உள்ள நடிகர்கள் ரஜினிகாந்த், தனுஷ் ஆகியோரின் வீட்டில் வெடிகுண்டு இருப்பதாக சென்னை காவல்துறை கட்டுப்பாட்டு அறைக்கு இ-மெயில் மூலமாக தகவல் வந்துள்ளது.

இதையொட்டி தேனாம்பேட்டை போலீசார், மோப்ப நாய் உதவியுடன் ரஜினி, தனுஷ் வீடுகளில் சோதனை மேற்கொண்டு வருகின்றனர்.

வெடிகுண்டு மிரட்டல் விடுத்தது யார் என்றும் காவல்துறையினர் விசாரணை மேற்கொண்டு வருகின்றனர்.

நாடு முழுவதுமே அரசு அலுவலகங்கள், பள்ளிகள், முக்கிய பிரபலங்களின் வீடுகளுக்கு வெடிகுண்டு மிரட்டல் வருவது வாடிக்கையாக உள்ளது. எனினும் தகவலின் அடிப்படையில் சோதனை நடைபெற்று பெரும்பாலும் புரளி என்றே தெரிய வருகிறது.