கல்வி விருது விழா தொடங்கியது! மாணவர்களுக்கு பரிசளிக்கும் விஜய்!

தமிழக வெற்றிக் கழகம் சாா்பில் 10 மற்றும் 12-ஆம் வகுப்பு பொதுதோ்வில் சிறப்பிடம் பெற்ற மாணவா்களுக்கு நடத்தப்படும் பாராட்டு விழா தொடங்கி நடைபெற்று வருகின்றன.

மாமல்லபுரத்தில் உள்ள தனியார் விடுதியில் நடைபெறும் விழாவில் பங்கேற்றுள்ள மாணவர்களை தவெக தலைவர் விஜய் பாராட்டி பரிசளித்து வருகிறார்.

தவெக சார்பில் மூன்றாம் ஆண்டாக பொதுத் தேர்வில் சிறப்பிடம் பெற்ற மாணவர்களுக்கு கல்வி விருது வழங்கும் விழா நடைபெறுகிறது.

தொகுதி வாரியாக முதல் 3 மதிப்பெண்கள் பெற்ற மாணவா்களுக்கு 3 கட்டங்களாக பாராட்டு விழா நடக்கிறது.

மாணவா்களுக்கான பாராட்டு விழாவில், கட்சி விளம்பர பதாகைகள் வைக்க வேண்டாமென தவெக தலைவா் விஜய் அறிவுறுத்தியிருப்பது குறிப்பிடத்தக்கது.