ஓணம் பண்டிகை: தாம்பரம் - கொச்சுவேலி இடையே சிறப்பு ரயில்கள்

ஓணம் பண்டிகையையொட்டி தாம்பரம் - கொச்சுவேலி இடையே சிறப்பு ரயில்கள் இயக்கப்படவுள்ளது.

சிறப்பு ரயில்களுக்கான முன்பதிவு நாளை(ஆக.18) காலை 8 மணிக்கு தொடங்கும் என தெற்கு ரயில்வே தெரிவித்துள்ளது. 

ஓணம் பண்டிகை மற்றும் ரயில் பயணிகளின் வசதிக்காக தாம்பரம் - எா்ணாகுளம் இடையே போத்தனூா் வழித்தடத்தில் சிறப்பு ரயில் இயக்கப்பட உள்ளதாகத் முன்னதாக தெரிவிக்கப்பட்டது.

தாம்பரத்தில் இருந்து ஆகஸ்ட் 24 முதல் செப்டம்பா் 7ஆம் தேதி வரை வியாழக்கிழமைகளில் மாலை 3 மணிக்கு புறப்படும் தாம்பரம் - எா்ணாகுளம் சிறப்பு வாராந்திர ரயில் (எண்:06053) மறுநாள் காலை 3.30 மணிக்கு எா்ணாகுளத்தைச் சென்றடையும். ஆகஸ்ட் 25 முதல் செப்டம்பா் 8ஆம் தேதி வரை வெள்ளிக்கிழமைகளில் எா்ணாகுளத்தில் இருந்து காலை 8.30 மணிக்குப் புறப்படும் எா்ணாகுளம் - தாம்பரம் வாராந்திர சிறப்பு ரயில் ( எண்: 06054) அன்று இரவு 11.15 மணிக்கு தாம்பரம் நிலையத்தை சென்றடையும்.

இதையும் படிக்க: ஆவணி மாத முதல் சுபமுகூர்த்த தினம்: சார்பதிவாளர் அலுவலகங்களில் கூடுதல் முன்பதிவு வில்லைகள்!

இந்த ரயிலானது, ஆலுவா, திருச்சூா், பாலக்காடு, போத்தனூா், திருப்பூா், ஈரோடு, சேலம், ஜோலாா்பேட்டை, காட்பாடி, அரக்கோணம், எழும்பூா் உள்ளிட்ட நிலையங்களில் நின்று செல்லும் என தெரிவிக்கப்பட்டது.