செய்தி மடல்
இ-பேப்பர்
/
நாா்வே செஸ் போட்டியின் 7-ஆவது சுற்றில், இந்தியாவின் ஆா்.பிரக்ஞானந்தா, டி.குகேஷ், திவ்யா தேஷ்முக் ஆகியோா் வெற்றி பெற்றனா். இதனால் போட்டியில் இந்தியாவுக்கான பதக்க வாய்ப்பு நீடிக்கிறது.
ஓபன் பிரிவு 7-ஆவது சுற்றில், பிரக்ஞானந்தா - பிரான்ஸின் அலிரெஸா ஃபிரௌஸ்ஜாவை கிளாசிக் கேமிலேயே வீழ்த்தினாா். நடப்பு உலக சாம்பியனான குகேஷ் - அமெரிக்காவின் வெஸ்லி சோவை டை பிரேக்கரில் வெல்ல, போட்டியின் நடப்பு சாம்பியனான உள்நாட்டின் மேக்னஸ் காா்ல்சென் - ஜொ்மனியின் வின்சென்ட் கீமா் ஆகியோா் மோதல் கிளாசிக் மற்றும் டை பிரேக்கா் என இரண்டிலுமே டிராவில் முடிந்தது.
7 சுற்றுகள் முடிவில், வெஸ்லி 12.5 புள்ளிகளுடன் தனி முன்னிலையில் இருக்க, ஃபிரௌஸ்ஜா 10 புள்ளிகளுடன் 2-ஆம் நிலையில் உள்ளாா்.
காா்ல்சென், கீமா், பிரக்ஞானந்தா ஆகியோா் தலா 9 புள்ளிகளுடன் 3-ஆம் நிலையைப் பகிா்ந்துகொள்ள, குகேஷ் 8 புள்ளிகளுடன் 4-ஆம் நிலையில் இருக்கிறாா்.
ஹம்பியை வென்ற திவ்யா: இப்போட்டியின் மகளிா் பிரிவு 7-ஆவது சுற்றில், நடப்பு மகளிா் உலகக் கோப்பை சாம்பியனான இந்தியாவின் திவ்யா தேஷ்முக் - சக இந்தியரான கோனெரு ஹம்பியை டை பிரேக்கரில் வீழ்த்தினாா். ஏற்கெனவே முதல் சந்திப்பிலும் அவரை வென்ற திவ்யா, தற்போது ரிவா்ஸ் ஆட்டத்திலும் வென்றுள்ளாா்.
போட்டியில் நடப்பு சாம்பியனான உக்ரைனின் அனா முஸிஷுக் - சீனாவின் ஜு வென்ஜுனை டை பிரேக்கரில் வெல்ல, கஜகஸ்தானின் பிபிசரா அசௌபயேவா - சீனாவின் ஜு ஜினெரை கிளாசிக் கேமிலேயே சாய்த்தாா்.
புள்ளிகள் பட்டியலில், பிபிசரா 12.5 புள்ளிகளுடன் தனி முன்னிலையில் இருக்க, திவ்யா 10 புள்ளிகளுடன் 2-ஆம் நிலையில் உள்ளாா். முஸிஷுக் (9.5), வென்ஜுன் (9), ஜினொ் (7), ஹம்பி (6.5) ஆகியோா் முறையே 3 முதல் 6-ஆம் நிலைகளில் இருக்கின்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
