இது தொடர்பாக அவர் பேசியதாவது: நேர்மையாக கூறவேண்டுமானால் இந்த உலகக் கோப்பை இரண்டு மாதங்கள் நடைபெறும் தொடர். நீங்கள் நியூசிலாந்து அணியின் நிலையில் இருப்பதை விரும்பமாட்டீர்கள். அவர்களது அணியில் சில வீரர்கள் காயம் காரணமாக அணியில் இல்லை. அதிர்ஷ்டவசமாக கேன் வில்லியம்சன் அவர்களது அணியில் இருக்கிறார். ஆனால், திடீரென அவர் விலகும் சூழல் ஏற்பட்டால் அது கிரிக்கெட் போட்டிக்கும் நல்லதல்ல, உலகக் கோப்பைக்கும் நல்லதல்ல. மற்ற நாட்டு வீரர்களை அணியில் சேர்க்க முடியாது. அதனால், உலகக் கோப்பைக்கான அணியில் 15-க்கும் அதிகமான வீரர்களை இடம்பெற அனுமதித்திருந்தால் அவர்களில் இருந்து வீரர்களை தேர்வு செய்து கொள்ளலாம் என்றார்.