அடுத்த ஒரு வருடத்துக்கு இந்திய அணி விளையாடவுள்ள கிரிக்கெட் தொடர்களும் போட்டிகளும்!

இந்த வருட ஐபிஎல் போட்டி செப்டம்பர் - நவம்பர் மாதங்களில் நடைபெறுவது அதிகாரபூர்வமாக அறிவிக்கப்பட்டுள்ளது.

கரோனா அச்சுறுத்தல் காரணமாக சர்வதேச கிரிக்கெட் தொடர்கள், ஐபிஎல் போட்டி என பல முக்கியமான கிரிக்கெட் போட்டிகள் ஒத்தி வைக்கப்பட்டுள்ளன. கரோனா நோய்த் தொற்று பாதிப்பால் 2020 ஐபிஎல் போட்டி காலவரையின்றி ஒத்திவைக்கப்படுவதாக பிசிசிஐ முதலில் அறிவித்தது. 

இந்நிலையில் இந்த வருட ஐபிஎல் போட்டி ஐக்கிய அரபு அமீரகத்தில் நடைபெறும் என்பது அறிவிக்கப்பட்டுள்ளது. செப்டம்பர் 26 முதல் நவம்பர் 8 வரை ஐபிஎல் போட்டி நடைபெறவுள்ளதாகத் தகவல்கள் வெளியாகியுள்ளன. 

இதையடுத்து வருகிற செப்டம்பர் மாதம் முதல் அடுத்த வருடம் நவம்பர் மாதம் வரை இந்திய அணி விளையாடவுள்ள கிரிக்கெட் தொடர்களும் போட்டிகளும் கிட்டத்தட்ட உறுதியாகியுள்ளன. இனிமேலும் கரோனா அச்சுறுத்தல் காரணமாக கிரிக்கெட் போட்டிகள் ஒத்திவைக்கப்படாது என அறியப்படுகிறது.

2021 நவம்பர் வரை இந்திய அணி விளையாடவுள்ள தொடர்கள்

ஐபிஎல் 13: செப்டம்பர் - நவம்பர்  
ஆஸ்திரேலியாவில் இந்திய அணி: டிசம்பர் & ஜனவரி (4 டெஸ்டுகள்)
இந்தியாவில் இங்கிலாந்து அணி: பிப்ரவரி & மார்ச் (5 டெஸ்டுகள்) 
ஐபிஎல் 14: ஏப்ரல் - மே
ஆசியக் கோப்பை: ஜூன் 
இங்கிலாந்தில் இந்திய அணி: ஜூலை & ஆகஸ்ட் (5 டெஸ்டுகள்) 
2021 டி20 உலகக் கோப்பை: அக்டோபர் - நவம்பர்