விஜய் ஹசாரே அரையிறுதியில் சயினி அற்புதமான பந்துவீச்சு: தில்லிக்கு 200 ரன்கள் இலக்கு!

ஜார்க்கண்ட் அணிக்கு எதிரான விஜய் ஹசாரே போட்டியின் அரையிறுதியில் தில்லி வேகப்பந்து வீச்சாளர் நவ்தீப் சயினி அற்புதமாகப் பந்துவீசி 4 விக்கெட்டுகளை வீழ்த்தியுள்ளார்.

பெங்களூரில் நடைபெற்று வரும் இப்போட்டியில் டாஸ் வென்ற தில்லி அணி பந்துவீச்சைத் தேர்வு செய்தது. 

ஜார்க்கண்ட் அணிக்கு நல்ல தொடக்கம் அமையவில்லை. நான்கு வீரர்கள் வந்த வேகத்தில் திரும்பியதால் 85 ரன்களுக்குள் 6 விக்கெட் இழந்தது ஜார்க்கண்ட் அணி. விராட் சிங் 71 ரன்களும் ஆனந்த் சிங் 36 ரன்களும் எடுத்து அணியின் சரிவைத் தடுத்து நிறுத்தினார்கள். இறுதியில் ஜார்க்கண்ட் அணி 48.5 ஓவர்களில் 199 ரன்களுக்கு அனைத்து விக்கெட்டுகளையும் இழந்தது. வேகப்பந்து வீச்சாளர் நவ்தீப் சயினி 4 விக்கெட்டுகளை வீழ்த்தினார்.