உலக குத்துச்சண்டை சாம்பியன்ஷிப் தொடரில் வெள்ளி வென்ற முதல் இந்தியர் அமித் பங்கல் எக்ஸ்க்ளூசிவ் நேர்காணல்!

உலக குத்துச்சண்டை சாம்பியன்ஷிப் தொடரில் வெள்ளிப் பதக்கம் வென்ற முதல் இந்திய வீரர் என்ற சாதனையை ஹரியாணாவைச் சார்ந்த அமித் பாங்கல் வசப்படுத்தி உள்ளார். ரஷ்யாவின் எகடரின்பர்க் நகரில் நடந்த இந்த தொடரில் ஆண்களுக்கான 52 கிலோ எடை பிரிவு இறுதிச் சுற்றில் நடப்பு ஒலிம்பிக் சாம்பியன் ஷாகோபிதின் ஸாய்ரோவை (உஸ்பெகிஸ்தான்) நேற்று முன் தினம் எதிர்கொண்ட அமித் பாங்கல் 0-5 என்ற புள்ளிக் கணக்கில் போராடித் தோற்று 2வது இடம் பிடித்தார். எனினும், உலக பாக்ஸிங்கில் வெள்ளி வென்ற முதல் இந்திய வீரர் என்ற பெருமை அவருக்கு கிடைத்துள்ளது. மேலும் இந்த தொடரில் இந்தியா முதல் முறையாக 2 பதக்கங்களை வென்றுள்ளது குறிப்பிடத்தக்கது.

1. உலக குத்துச்சண்டை சாம்பியன்ஷிப்பில் வெள்ளி வென்ற முதல் இந்தியர் நீங்கள்... இந்த தருணத்தில் எப்படி உணருகிறீர்கள்? உங்களது அடுத்த இலக்கு என்ன?

மகிழ்ச்சியாக உணர்கிறேன், எனது குத்துச்சண்டை பயணத்தின் தொடக்கத்தில் இருந்தே எனது நோக்கம் இந்தியாவுக்கு ஒலிம்பிக் தங்கம் பெறுவதுதான்.

2. உலக குத்துச்சண்டை சாம்பியன்ஷிப்பில் வெள்ளிப் பதக்கம் வென்று இந்திய பாக்ஸிங் வரலாற்றில் புதிய அத்தியாயத்தை உருவாக்கியுள்ளீர்கள்.. ஒவ்வொரு குத்துச்சண்டை வீரரின் கனவும் கூட இதுவாகத்தான் இருந்திருக்கும். அதில் நீங்கள் வென்று விட்டீர்கள், சரி, இறுதிச் சுற்றில் உங்கள் வெற்றி இலக்கை அடைய எப்படி போராடினீர்கள் என்று சொல்லுங்கள்?

இறுதிச் சுற்றின் உஸ்பெக் குத்துச்சண்டை வீரர் மிகவும் கடினமான போட்டியாளராக இருந்தார், அவருடனான அந்த 9 நிமிடங்களில் நான் பல விஷயங்களைக் கற்றுக்கொண்டேன், ஃபைனலில் வெற்றி கிடைக்கவில்லை என்ற போதும் அப்போது கிடைத்த அனுபவங்கள் ஒலிம்பிக் மற்றும் எதிர்கால உலக சாம்பியன்ஷிப் போட்டிகளில் பங்கேற்கும் போது என்னை வலுவாக்கிக் கொள்ள உதவும்.

3. உங்கள் போட்டிகளில், எந்தக் கட்டத்தில் தற்காத்து ஆடுதல் அல்லது எதிர்த்தாடுதல் போன்ற முடிவுகளை எடுக்கிறீர்கள்?

முதல் சுற்றில் எனது எதிர்ப்பாளர் மிகவும் ஆக்ரோஷமாக இருந்தார், மேலும் அவரது விளையாட்டை அவதானிக்க எனக்கும் சற்று அவகாசம் தேவைப்பட்டது, அத்துடன் எனது எதிர்த் தாக்குதல்கள் அவருடைய தாக்குதல்களுடன் இயைந்து செல்லாமல் இருந்தது. எனவே இது தற்காப்பு பற்றி அல்ல, ஆனால் எதிர் இணைப்பதைப் பற்றியது.

4. நீங்கள் குத்துச்சண்டை வளையத்திற்குள் நுழையும் போதெல்லாம்... உங்களுக்கு உந்துசக்தியாக யாரை நினைக்கிறீர்கள்?

நம் தேசம், என்னை நம்பும் நம் மக்களின் எதிர்பார்ப்பு மற்றும் எனது குடும்பத்தையே நான் எனது மிகப்பெரிய உந்துசக்தியாக நினைக்கிறேன்.

5. உங்கள் சமீபத்திய போட்டிகளில் உங்கள் முக்கிய உத்தி என்ன?

பயனுள்ள தாக்குதலை வீணாக்காமல் இணைத்து எதிர்த் தாக்குதல் நடத்தும் முறையே எனது சமீபத்திய உத்தி.

6. உலக சாம்பியன்ஷிப்பில் நுழையும்போது நீங்கள் நிச்சயமாக பதக்கம் வெல்வீர்கள் என்ற எதிர்பார்ப்பு இருந்தது. இந்த அழுத்தத்தை நீங்கள் எவ்வாறு சமாளித்தீர்கள்?

எதிர்பார்ப்புகளை எனது பலமாக நான் பார்க்கிறேன், பலர் எனக்கு பின்னால் இருக்கிறார்கள், நான் பாக்ஸிங் கிரெளண்டில் இருக்கும்போது அது எனக்கு சக்தியைத் தருகிறது.

7. பதக்கங்கள் வர வர உங்கள் மீதான மக்களின் எதிர்பார்ப்புகள் அதிகரித்துக் கொண்டே இருக்கின்றன. வரும் நாட்களில் இந்த அழுத்தத்தை எவ்வாறு சமாளிப்பீர்கள்?

டோக்கியோ ஒலிம்பிக்கில் தங்கம் வெல்வதே எனது ஒரே இலக்கு. இதில் மக்களின் எதிர்பார்ப்புகள் எனும் அழுத்தம் கூடக்கூட அது எனக்கு வெல்ல வேண்டும் எனும் ஆசையைப் பன்மடங்காக்கி பலத்தையே சேர்க்கிறது. 

8. நீங்கள் பாக்ஸிங் போட்டிகளில் பங்கேற்கத் தொடங்கிய ஆரம்பநாட்களில் வார விடுமுறை எடுப்பது வழக்கமாக இருந்தது. அத்துடன் பயிற்றுநர்கள் ஆட்சேபித்த போதும் கூட சில நேரங்களில் தாமதமாகப் பயிற்சிக்கு வரக்கூடியவராகவும் இருந்திருக்கிறீர்கள், ஆனால், இப்போது பார்த்தால் பயிற்சிகளின் போது முதலில் மைதானத்திற்கு வரக்கூடியவராகவும் கடைசியாக வெளியேறக்கூடியவராகவும் நீங்களே இருக்கிறீர்கள்.. இந்த சிந்தனை மாற்றம் எப்படி நிகழ்ந்தது? எங்கிருந்து தொடங்கியது இதற்கான ஆரம்பம்?

இது விஷயங்களின் கலவையாகும், நான் அப்பாவியாக இருந்தேன், குழந்தையாக மிகவும் குறும்புக்காரனாக இருந்தேன், எனவே ஆரம்பத்தில் குத்துச்சண்டை நாட்களில் இதுவே செல்கிறது. முடிவுகள் வரும்போது, ​​நான் வெற்றிபெறத் தொடங்கும் போது, ​​வளர்ந்து வரும் போது என் சகோதரர் எனக்காக நிறைய தியாகங்களைச் செய்துள்ளார் என்பதையும், மிக உயர்ந்த மட்ட போட்டிகளில் இந்தியாவுக்காக பதக்கம் வெல்ல முடியும் என்ற எனது நம்பிக்கையையும் உணரும்போது. இந்த விஷயங்கள் அனைத்தும் எனது மாற்ற அணுகுமுறையில் சேர்க்கப்பட்டுள்ளன.

9. குத்துச்சண்டை தொழில்முறை விளையாட்டாக எடுப்பதற்கான காரணம் என்ன?
 
என் சகோதரர்

10. இதில் உங்களது முன்மாதிரி (Role Model)  யார்?

அதுவும் என் சகோதரரே தான், அவர் என்னை விட நல்ல குத்துச்சண்டை வீரராக இருந்தார், ஆனால் எங்கள் குடும்பத்திற்கு இரண்டு வீரர்களின் செலவை ஈடு செய்வது சிரமமாக இருந்ததால் என் சகோதரர் அவராகவே அவரது கனவை தியாகம் செய்ய வேண்டியிருந்தது, எனவே அவர் குடும்பத்திற்கு உணவளிப்பதற்கும், எனக்கு நிதியுதவி செய்வதற்கும் இராணுவத்தில் சேர்ந்தார். பிறகு அவரைத் தவிர வேறு யாரை நான் முன்னுதாரணமாகக் கொள்ள முடியும்?!

11. குத்துச்சண்டையில் இருந்து நீங்கள் கற்றுக்கொண்டவை?

ஒழுக்கம் மற்றும் மரியாதை

12. பிரபலமான இளம் குத்துச்சண்டை வீரர்களுக்கு நீங்கள் கொடுக்கும் யோசனைகள் (ஆலோசனை அல்ல) என்ன?

வெற்றிகளை உங்கள் தலை மீதேற்றி நர்த்தனமாட விட்டு விடாதீர்கள். அது உங்களை அழித்து விடும். தொடர்ந்து பயிற்சியில் நேர்மையாகக் கவனம் செலுத்தி அங்கே பெறும் அனுபவங்களை உங்களது பாக்ஸிங் கிரெளண்டில் செயல்படுத்துங்கள். முகமது அலி சொன்னது போல ‘பட்டாம்பூச்சியைப் போல மிதந்து செல்லவும், தேனீயைப்போல கொட்டவும்’ கற்றுக் கொள்ளுங்கள்’

வெற்றிகொண்டான்!

கங்குலி அல்ல, தோனியும் அல்ல, விராட் கோலியே இந்திய அணியின் மிகச்சிறந்த கேப்டன்! முழு விவரங்கள்!

இளவேனில் வாலறிவன் தமிழக வீராங்கனையா?

'கிரிக்கெட் வரலாற்றில் முதன்முறையாக' போட்டியின் நடுவே இடம்பிடித்த முழுநேர மாற்று வீரர்!

கரீபியன் கிரிக்கெட்டில் புதிய சகாப்தம் படைத்த 'யூனிவர்ஸல் பாஸ்' கிறிஸ் கெயில்!