கேப்டன் கம்பீர் அரைசதம்: டேர்டெவில்ஸ் 166 ரன்கள் குவிப்பு

கிங்ஸ் லெவன் பஞ்சாப் அணிக்கு எதிரான 2-ஆவது லீக் ஆட்டத்தில் முதலில் பேட் செய்த டெல்லி டேர்டெவில்ஸ் அணி 166 ரன்கள் எடுத்துள்ளது.

11-ஆவது சீசன் ஐபிஎல் போட்டித் தொடர் மும்பை வான்கடே மைதானத்தில் சனிக்கிழமை (ஏப்ரல் 7-ஆம் தேதி) கோலாகலமாகத் தொடங்கியது. முதல் லீக் ஆட்டத்தில் மும்பை இந்தியன்ஸுடன் நடைபெற்ற போட்டியில் சென்னை சூப்பர் கிங்ஸ் அணி அபாரமாக ஆடி த்ரில் வெற்றி பெற்றது. 

இந்நிலையில், 2-ஆவது லீக் ஆட்டம் கிங்ஸ் லெவன் பஞ்சாப், டெல்லி டேர்டெவில்ஸ் அணிகளுக்கு இடையில் பஞ்சாப்பில் உள்ள ஐ.எஸ்.பிந்த்ரா மைதானத்தில் ஞாயிற்றுக்கிழமை மாலை 4 மணிக்கு தொடங்கி நடைபெறுகிறது. இதில் டாஸ் வென்ற கிங்ஸ் லெவன் பஞ்சாப் அணி கேப்டன் அஸ்வின், பந்துவீச்சை தேர்வு செய்தார்.

இதையடுத்து களமிறங்கிய டெல்லி டேர்டெவில்ஸ் அணி நிர்ணயிக்கப்பட்ட 20 ஓவர்களில் 7 விக்கெட் இழப்புக்கு 166 ரன்கள் எடுத்துள்ளது. அதிகபட்சமாக கேப்டன் கௌதம் கம்பீர் 55 ரன்கள் சேர்த்தார். ரிஷப் பண்ட் 28, கிறிஸ் மோரிஸ் 27 ரன்கள் எடுத்தனர். பஞ்சாப் தரப்பில் மோஹித் ஷர்மா, முஜீப்-உர்-ரஹ்மான். ஆகியோர் தலா 2 விக்கெட்டுகளை வீழ்த்தினர்.