ஒடிஸாவை வீழ்த்தியது கேரளா

Updated On :23 ஏப்ரல் 2026, 11:22 pm

ஐஎஸ்எல் கால்பந்து போட்டியில் கேரளா பிளாஸ்டா்ஸ் எஃப்சி 2-1 கோல் கணக்கில் ஒடிஸா எஃப்சியை வியாழக்கிழமை வென்றது.

இந்த ஆட்டத்தில் முதலில் கேரளா தரப்பில் விக்டா் பா்தோமியு 12-ஆவது நிமிஷத்தில் கோல் கணக்கைத் தொடங்கினாா். அதற்கான பதிலடியாக ஒடிஸாவின் ரஹிம் அலி 27-ஆவது நிமிஷத்தில் ஸ்கோா் செய்ய, ஆட்டம் 1-1 என சமன் ஆனது.

அதன் பிறகு இரு அணிகளுமே விடாப்பிடியாக விளையாட, முதல் பாதி அப்படியே நிறைவடைந்தது. ஆடும் திசைகள் மாற்றப்பட்ட 2-ஆவது பாதியிலும் இதே நிலை நீடிக்க, கடைசி தருணத்தில் (90+4’) கேரளாவுக்காக மத்தியாஸ் ஹொ்னாண்டஸ் கோல் அடித்தாா்.

இதனால் கேரளா 2-1 கோல் கணக்கில் வெற்றி கண்டது. புள்ளிகள் பட்டியலில் தற்போது, கேரளா 3-ஆவது வெற்யோடு 11 புள்ளிகளுடன் 9-ஆம் இடத்திலும், ஒடிஸா 4-ஆவது தோல்வியோடு 6 புள்ளிகளுடன் 13-ஆம் இடத்திலும் உள்ளன.

அடுத்த ஆட்டத்தில், நாா்த்ஈஸ்ட் யுனைடெட் எஃப்சி - எஃப்சி கோவா அணிகள் வெள்ளிக்கிழமை (ஏப். 24) மோதுகின்றன.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது