விம்பிள்டன் சாம்பியன் பட்டம் வென்றார் கார்பைன் முகுருஸா

கிராண்ட்ஸ்லாம் போட்டிகளில் ஒன்றான விம்பிள்டன் டென்னிஸ் போட்டி லண்டனில் நடைபெற்று வருகிறது. 

இதில் வியாழக்கிழமை நடைபெற்ற மகளிர் ஒற்றையர் அரையிறுதியில் உலகின் 11-ம் நிலை வீராங்கனையான வீனஸ் வில்லியம்ஸ் 6-4, 6-2 என்ற நேர் செட்களில் பிரிட்டனின் ஜோகன்னா கோன்டாவை தோற்கடித்தார்.

மற்றொரு அரையிறுதியில் ஸ்பெயினின் கார்பைன் முகுருஸா 6-1, 6-1 என்ற நேர் செட்களில் ஸ்லோவோகியாவின் மேக்தலீனா ரைபரிக்கோவாவை தோற்கடித்தார்.

இதையடுத்து விம்பிள்டன் மகளிர் ஒற்றையர் இறுதிப்போட்டி சனிக்கிழமை நடைபெற்றது. இதில் ஸ்பெயின் வீராங்கனை கார்பைன் முகுருஸா 7-5, 6-0 என்ற நேர் செட் கணக்கில் 23 நிமிடங்களிலேயே அமெரிக்காவின் வீனஸ் வில்லியம்ஸை வீழ்த்தி கோப்பையை தட்டிச் சென்றார்.