ஐபிஎல் புள்ளிகள் பட்டியல்: கடைசி இடத்துக்குத் தள்ளப்பட்ட தோனி அணி!

ஐபிஎல் போட்டியில் மும்பை இந்தியன்ஸுக்கு எதிரான ஆட்டத்தில் 7 விக்கெட்டுகள் வித்தியாசத்தில் வென்றது கிங்ஸ் லெவன் பஞ்சாப் அணி.
இந்த இரு அணிகளுக்கு இடையேயான ஆட்டம் விசாகப்பட்டினத்தில் வெள்ளிக்கிழமை நடைபெற்றது.
டாஸ் வென்று முதலில் பேட்டிங் செய்த மும்பை அணி, 20 ஓவர் முடிவில் 9 விக்கெட் இழப்புக்கு 124 ரன்கள் எடுத்தது. பஞ்சாப் அணி சார்பில், மார்கஸ் ஸ்டானிஸ் அதிகபட்சமாக 4 விக்கெட்டுகள் வீழ்த்தினார். சந்தீப் சர்மா, மோகித் சர்மா தலா 2 விக்கெட்டுகளும், அக்ஸர் படேல் ஒரு விக்கெட்டும் வீழ்த்தினர். அடுத்து ஆடிய பஞ்சாப் அணி 17 ஓவர்களில் 3 விக்கெட் இழப்புக்கு 127 ரன்கள் எடுத்து வென்றது. முரளி விஜய் 54 ரன்கள் எடுத்து ஆட்டமிழக்காமல் இருந்தார்.

இந்த வெற்றியால் கடைசி இடத்தில் இருந்த பஞ்சாப் அணி ஒரு படி முன்னேறி 7-ம் இடத்துக்கு நகர்ந்துள்ளது. இதனால் தோனி அணி கடைசி இடத்துக்குத் தள்ளப்பட்டுள்ளது.

புள்ளிகள் பட்டியல்