ஐபிஎல் புள்ளிகள் பட்டியல்: தோனி அணியைக் கீழே தள்ளிய கோலி அணி!

ஐபிஎல் போட்டியில் ராயல் சேலஞ்சர்ஸ் பெங்களூர் அணிக்கு எதிரான ஆட்டத்தில் 2 ரன்களில் வெற்றியை நழுவவிட்டது கிங்ஸ் லெவன் பஞ்சாப் அணி. கடைசி பந்தில் 4 ரன்கள் எடுத்தால் வெற்றி என்ற நிலையில் இருந்த பஞ்சாப் அணியால் 2 ரன்கள் மட்டுமே எடுக்க முடிந்தது.

முதலில் ஆடிய பெங்களூர் அணி, 20 ஓவர்களின் முடிவில் 6 விக்கெட் இழப்புக்கு 175 ரன்கள் எடுத்தது. டிவில்லியர்ஸ் 35 பந்துகளில் 64 ரன்கள் எடுத்தார். இதில் 2 சிக்ஸர், 5 பவுண்டரிகள் அடங்கும். பஞ்சாப் தரப்பில் முரளி விஜய், 57 பந்துகளைச் சந்தித்து 89 ரன்கள் எடுத்து ஆட்டமிழந்தார். இதில் 12 பவுண்டரி, ஒரு சிக்ஸர் அடங்கும்.

4 ஓவர்கள் பந்து வீசி 22 ரன்கள் மட்டுமே கொடுத்து 2 விக்கெட் வீழ்த்திய பெங்களூர் அணியின் ஷேன் வாட்சன் ஆட்டநாயகனாகத் தேர்வு செய்யப்பட்டார்.
இதனால் பெங்களூர் அணி ஒரு ரன் வித்தியாசத்தில் வெற்றி பெற்று, அடுத்தச் சுற்றுக்கான வாய்ப்பைத் தக்கவைத்துக் கொண்டுள்ளது. மேலும் அந்த அணி 6-வது இடத்துக்கு முன்னேறியுள்ளது. இதுவரை 10 போட்டிகளில் பங்கேற்று 7 தோல்விகளைச் சந்தித்துள்ள பஞ்சாப் அணியின் அடுத்த சுற்று வாய்ப்பு ஏறக்குறைய முடிவுக்கு வந்துவிட்டது.

புள்ளிகள் பட்டியல்